جازدىڭ سوڭعى ايىنىڭ سوڭى كۇزگە ۇلاسادى.
تامىز ايىندا ەلدىڭ باسىم بولىگىندە قاتتى ىستىق بولمايدى، دەپ حابارلايدى Almaty-akshamy.kz
«قازگيدرومەت» مەملەكەتتىك قىزمەتى بيىل تامىز ايىنا ارنالعان اۋا رايى بولجامىن دايىندادى.
تامىز ەلدىڭ سولتۇستىك وڭىرلەرىندە سالقىن اۋا رايىمەن باستالادى. ايدىڭ باسىندا رەسپۋبليكانىڭ باسىم بولىگىندەگى اۋا رايى قۇبىلمالى بولادى. جاڭبىر جاۋادى، ەلدىڭ شىعىسىندا نايزاعاي، بۇرشاق بولادى. جەلدىڭ ەكپىنى 15-25 م/س-كە دەيىن كۇشەيەدى، سولتۇستىك ايماقتاردا تۇندە جانە تاڭەرتەڭ تۇمان ءتۇسۋى مۇمكىن.
ايدىڭ باسىندا سولتۇستىك سۋىق انتيسيكلوننىڭ اسەرىنە بايلانىستى ەلدىڭ سولتۇستىك جارتىسىندا كۇن سالقىندايدى. تۇندە + 7 +15°س دەيىن، كۇندىز +17 +22°س شاماسىندا.
الايدا ءبىرىنشى ونكۇندىكتىڭ سوڭىندا سۋىق انتيسيكلون ىعىسىپ، كنۇن جىلىنادى. اۋا تەمپەراتۋراسى تۇندە +18+23°س، كۇندىز +25+33°س-قا دەيىن كوتەرىلەدى. وڭتۇستىك جانە وڭتۇستىك-شىعىس وڭىرلەردە ءبىرىنشى ونكۇندىك ىشىندە تەمپەراتۋرا بىرتىندەپ جوعارىلايدى. تۇندە +15+20°س-تان +20+25°س-قا دەيىن، كۇندىز +25+32°س-تان +33+40°س-قا دەيىن كوتەرىلەدى.
ايدىڭ ورتاسىندا رەسپۋبليكانىڭ سولتۇستىك جارتىسىنا قايتادان سۋىق اۋا ماسسالارى تۇسەدى. ونىڭ اسەرىنەن اۋا رايى قۇبىلمالى بولادى. دەگەنمەن سۋىق ۇزاققا سوزىلمايدى. اۋا تەمپەراتۋراسى تۇندە +10+18°س-تان +18+25°س-قا دەيىن، كۇندىز +17+22°س-تان +25+30°س-قا دەيىنگى شامادا. ال وڭتۇستىك وڭىرلەردە نەگىزىنەن +28+38°س.
جازدىڭ سوڭعى ايىنىڭ سوڭى كۇزگە ۇلاسادى. اركتيكالىق تەڭىز اۋداندارىنان سۋىق اۋا ماسسالارى اسەرىنەن ەلدىڭ باسىم بولىگىندەاۋا تەمپەراتۋراسى تومەندەيدى. ەلدىڭ سولتۇستىك جارتىسىندا تۇندە اۋا تەمپەراتۋراسى +2+12°س-قا دەيىن، كۇندىز +15+20°س-قا دەيىن، وڭتۇستىك جارتىسىندا تۇندە +10+15°س-قا دەيىن، كۇندىز +20+27°س-قا دەيىن تومەندەيدى.