الماتىدا گوگول مەن ءشارىپوۆ كوشەلەرىنىڭ قيىلىسىندا جىلۋ ماگيسترالى جارىلىپ، ءبىرقاتار تۇرعىن ءۇي مەن الەۋمەتتىك نىساندار جىلۋسىز قالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى اكىمدىگىنىڭ مالىمەتىنشە، جىلۋ ماگيسترالى شامامەن ساعات 17:00-دا جارىلدى. اپاتقا قۇبىردىڭ توزۋى سەبەپ بولعان.
«جىلۋ تراسساسى 30 جىلدان استام ۋاقىت بۇرىن – 1986 جىلى پايدالانۋعا بەرىلدى. سوڭعى جىلدارى بۇل اۋماقتا قۇبىردىڭ توزۋىنا بايلانىستى 17 اپات بولعان، بۇگىنگىسى - 18ء-شى وقيعا. زاقىمدالعان قۇبىردى جانە زاقىمدالعان جەردى انىقتاۋ جۇمىسى ءجۇرىپ جاتىر. «الماتى جىلۋ جۇيەسى» ج ش س ماماندارى قۇبىردى جوندەپ جاتىر. بارلىعى 3 تەحنيكا مەن 18 ادام جۇمىلدىرىلدى»،- دەپ حابارلادى اكىمدىكتەن.
ديامەترى 400 مم بولاتىن زاقىمدانعان قۇبىردى جوندەۋ ءۇشىن اۋداندى ىستىق سۋمەن جابدىقتاۋ ۋاقىتشا ءوشىرىلدى.
قازىرگى ۋاقىتتا 67 كوپپاتەرلى جانە 2 جەكە ءۇي، 6 ءبىلىم نىسانى جانە 20-دان استام باسقا نىساندار ۋاقىتشا جىلۋسىز قالدى.
سۋرەت: Tengrinews.kz