بۇل تۋرالى ۇلتتىق بانكتىڭ ءتوراعاسى عالىمجان ءپىرماتوۆ مالىمدەدى.
2022 جىلدىڭ قورىتىندىسى بويىنشا قازاقستاندا جىلدىق ينفلياسيا 20،3%-عا جەتتى، دەپ حابارلايدى Almaty-akshamy.kz
ايتۋىنشا، بىلتىر جەلتوقساندا ايلىق ينفلياسيا 1،2%-كە دەيىن باياۋلاعانىنا قاراماستان، سوڭعى بەس جىلداعى ورتاشا ايلىق كورسەتكىش 0،7%-تەن ايتارلىقتاي اسىپ ءتۇستى.
«جىلدىق ماندە ينفلياسيا 20،3%-عا جەتتى. ازىق-تۇلىك باعاسىنىڭ ءوسۋى ينفلياسياعا زور ۇلەس قوسىپ، جىلدىق كورسەتكىش بويىنشا 25،3%-عا جەتتى. جەمىس-جيدەك پەن كوكونىس ونىمدەرى قىس ماۋسىمىنا بايلانىستى قىمباتتادى»، - دەدى ءپىرماتوۆ ۇكىمەت وتىرىسىندا.
ال ازىق-تۇلىككە جاتپايتىن ينفلياسيا 19،4%-عا دەيىن وسكەن. يمپورتتىڭ جوعارى ۇلەسى بار تاۋارلار، ونىڭ ىشىندە جەكە پايدالاناتىن تاۋارلار، جۋاتىن جانە تازالايتىن زاتتار، قۇرىلىس ماتەريالدارى، دارى-دارمەك باعاسى ەداۋىر وسكەن.
اكىمشىلىك رەتتەۋ سەبەبىنەن جانار-جاعارماي مەن 2021 جىلعى جوعارى بازا ەسەبىنەن اۆتوكولىك باعاسىنىڭ ءوسۋ قارقىنى باياۋلادى.
«جەلتوقسان ايىندا اقىلى قىزمەتتەردىڭ ينفلياسياسى 14،1% دەڭگەيىندە ساقتالدى. تۇرعىن ءۇيدى جالعا الۋ مەن كوممۋنالدىق قىزمەتتەردىڭ قۇنى ءوسۋ تۇرعىسىنان باياۋلادى»، - دەدى ۇلتتىق بانك ءتوراعاسى.
2022 جىلعى 5 جەلتوقساندا ۇلتتىق بانك بازالىق مولشەرلەمەنى 16،75%-كە دەيىن كوتەرگەن بولاتىن. ءپىرماتوۆ بىلتىر قابىلدانعان شارالار ينفلياسيانى تومەندەتۋگە جانە ونى ورتا مەرزىمدى پەرسپەكتيۆادا ودان ءارى تۇراقتاندىرۋعا ىقپال ەتەتىنىن ايتتى.