بۇگىن «Astana Media Week» مەديا اپتالىعىنىڭ اياسىندا «جىلدىڭ ۇزدىك باسپا ءسوز قىزمەتى» جانە «اقپارات سالاسىنىڭ ۇزدىگى» توسبەلگىلەرىن ماراپاتتاۋ ءراسىمى ءوتتى.
اتالعان ءىس-شاراعا اقپارات جانە قوعامدىق دامۋ ءمينيسترى دارحان ءقىدىرالى قاتىستى، دەپ حابارلايدى Almaty-akshamy.kz.
«جىلدىڭ ۇزدىك باسپا ءسوز قىزمەتى» نوميناسياسى بويىنشا سىرتقى ىستەر مينيسترلىگىنىڭ باسپا ءسوز قىزمەتىنىڭ باسشىسى ەرلان جەتىبايەۆ ماراپاتتالدى.
«اقپارات سالاسىنىڭ ۇزدىگى» توسبەلگىسىمەن دەنساۋلىق ساقتاۋ مينيسترلىگىنىڭ باسپا ءسوز حاتشىسى ارتاكشينوۆا اسەل سەيتجانوۆا، ەنەرگەتيكا مينيسترلىگىنىڭ باسپا ءسوز حاتشىسى جانسايا حاميت قىزى، سىرتقى ىستەر مينيسترلىگىنىڭ باسپا ءسوز حاتشىسى ايبەك سمادياروۆ، قاراعاندى وبلىسى اكىمى اپپاراتىنىڭ باسپا ءسوز حاتشىسى مارينا شاپاۆالوۆا ماراپاتتالدى.