جىل تاڭداۋى: «ۆەچەرنيي الماتى» گازەتىنىڭ جوعارى باعالانۋى

بۇل شارا 20 جىلدان استام ۋاقىت بويى وتكىزىلىپ كەلەدى

الماتىدا جىل سايىنعى جەڭىمپازداردى ماراپاتتاۋ جانە «جىل ادامى» جوباسىنىڭ باس جۇلدەلەرى – «التىن ادام» مۇسىنشەلەرىن، «قوعامدىق مويىنداۋ» جانە «جىلدىڭ №1 تاڭداۋى» قۇرمەتتى مەدالدارىن تابىستاۋ ءراسىمى ءوتتى، دەپ حابارلايدى Almaty-akshamy.kz

ەلىمىزدەگى ەڭ كورنەكتى تۇلعالار مەن ۇزدىك ۇيىمداردى دارىپتەيتىن بۇل سالتاناتتى شارا 20 جىلدان استام ۋاقىت بويى وتكىزىلىپ كەلەدى. ەڭبەگى، ادالدىعى، باتىلدىعى مەن تالانتى ولاردى رەسپۋبليكانىڭ شىنايى مۇراسىنا اينالدىرعان قازاقستاندىقتار ءوز ماراپاتتارىن الدى.

«ۆەچەرنيي الماتى» گازەتى قوعام مويىنداعان ارنايى سىيلىققا يە بولدى. قازىلار القاسىنىڭ پىكىرىنشە، اتالعان ماراپاتتىڭ وسى ۇجىمعا بۇيىرعانى زاڭدىلىق. ويتكەنى «ۆەچوركا»  الماتىلىقتار ءۇشىن سۇيىكتى باسىلىمنىڭ ءبىرى بولىپ تابىلادى.

«ۆەچوركا ماراپاتتارىنىڭ قاتارىنا ءبىزدىڭ ەڭبەگىمىزدى جۇرتشىلىقتىڭ مويىنداۋى جانە ماڭىزدى سىيلىقتى قوسۋ ءبىز ءۇشىن ۇلكەن مارتەبە. ايتپاقشى، «ۆەچەرنيي الماتى» – وقىرماندارىمەن كۇندەلىكتى قارىم-قاتىناس نەگىزىندە پۋبليسيستيكالىق ماتەريالدار دايىندايتىن ساناۋلى باسىلىمداردىڭ ءبىرى. ءبىز كوپتەگەن الماتىلىقتارمەن تۇراقتى قاتىناستامىز. ءقازىر سانگە اينالعانداي، «ءتيىمدى كەرى بايلانىس» جاساپ كەلەمىز. سوندىقتان جۋرناليستىك ەڭبەكتىڭ قوعام تاراپىنان مويىندالۋى ءارقايسىمىز ءۇشىن ۇلكەن ماراپات»، - دەدى باس رەداكتورى گازەتىنىڭ ەۆگەنيي گرۋنبەرگ.