Pfizer ۆاكسيناسىن (كومەرناتي، اقش) دۇنيەجۇزىلىك دەنساۋلىق ساقتاۋ ۇيىمى 12-18 جاس ارالىعىنداعى بالالار مەن جاسوسپىرىمدەردى، سونداي-اق جۇكتى جانە بالا ەمىزەتىن انالاردى ۆاكسيناسيالاۋ ءۇشىن ۇسىنادى.
بۇگىنگى تاڭدا بۇل ۆاكسينا الەمنىڭ 20 ەلىندە، قىتايدا Pfizer ۆاكسيناسى 3 جاستان، ال اقش - تا 5 جاستان باستاپ بالالاردى يممۋنداۋعا رۇقسات ەتىلگەن.
قازاقستاندا بۇل پرەپاراتپەن 12 جاستان اسقان بالالار ەگىلەدى، ءبىراق تەك اتا-انالاردىڭ نەمەسە زاڭدى وكىلدەردىڭ جازباشا كەلىسىمىمەن عانا. جاسوسپىرىمدەردى ءبىلىم بەرۋ ۇيىمدارىنىڭ ەگۋ كابينەتتەرىندە ەگەدى، اتا-انالارىنىڭ نەمەسە زاڭدى وكىلدەرىنىڭ قالاۋى بويىنشا بالالار مەديسينالىق ۇيىمداردىڭ ەگۋ پۋنكتتەرىندە دە ەگىلە الادى.
كۆي-دەن بالالارعا ەكپە جاسايتىن مەديسينا قىزمەتكەرلەرىن دايارلاۋ مەكتەپكە بەكىتىلگەن جەرگىلىكتى مەديسينالىق ۇيىممەن قامتاماسىز ەتىلەدى. مەكتەپ باسشىلىعى مەن بەكىتىلگەن مەديسينالىق ۇيىم قىزمەتكەرلەرى مىنا شارالاردى قامتاماسىز ەتەدى:
- ەگۋ كابينەتتەرىن سانيتارلىق-ەپيدەميولوگيالىق تالاپتارعا سايكەس جيناقتاۋ؛
- العاشقى مەديسينالىق كومەك كورسەتۋگە ارنالعان پرەپاراتتاردىڭ بولۋى؛
- وقۋشىلار مەن اتا-انالار كوپ جينالعان جاعدايدا ەگىلەتىن ادامداردىڭ اعىنىن شەكتەۋ؛
- ۆاكسيناسياعا دەيىن كۇتۋ ءۇشىن ارنايى ورىن ءبولۋ جانە الەۋمەتتىك قاشىقتىقتى ساقتاۋ شارتىمەن ۆاكسيناسيادان كەيىن باقىلاۋ ءۇشىن ارنايى ورىن ءبولۋ؛
-مەكتەپ جانە مەديسينالىق ۇيىم پسيحولوگتارىن COVID-19-عا قارسى ۆاكسيناسيالاۋ بارىسىندا جاسوسپىرىمدەرمەن بىرلەسىپ جۇمىس ىستەۋگە تارتۋ.
ۆاكسيناسيا جۇرگازۋدەن بۇرىن:
- اتا-اناسىنىڭ نەمەسە زاڭدى وكىلدەرىنىڭ قاتىسۋىمەن 12 جاستان 18 جاسقا دەيىنگى ەگىلەتىن ادامعا تەكسەرۋ جانە سۇراۋ جۇرگىزىلەدى؛
- يممۋنيزاسياعا قارسى كورسەتىلىمدەر بولماعان كەزدە ەگۋ جۇرگىزۋگە رۇقسات رەسىمدەلەدى؛
- ەگىلەتىن ادامعا جانە/نەمەسە ونىڭ اتا-اناسىنا (زاڭدى وكىلىنە) پروفيلاكتيكالىق ەگۋ، ىقتيمال رەاكسيالار مەن يكقك، ەگۋدەن باس تارتۋ سالدارى تۋرالى تولىق جانە وبەكتيۆتى اقپارات بەرىلەدى.
ۆاكسيناسيادان كەيىن ەگىلگەن ادام 30 مينۋت ىشىندە ۆاكسينانى العان جەردە مەديسينا قىزمەتكەرىنىڭ باقىلاۋىندا بولادى.
ۆاكسيناسيادان كەيىن كەلەسى كۇتىلەتىن رەاكسيالار بولۋى مۇمكىن: اۋىرسىنۋ، ينەكسيا ورنىنداعى ءىسىنۋ، شارشاۋ، باس اۋرۋى، بۇلشىقەت اۋىرۋى، بىرلەسكەن اۋىرسىنۋ، قالتىراۋ، ديارەيا. اتالعان رەاكسيالاردىڭ كەيبىرەۋلەرى 12-15 جاس ارالىعىنداعى جاسوسپىرىمدەردە ەرەسەكتەرگە قاراعاندا ءبىرشاما ءجيى كەزدەسەدى؛ ينەكسيا ورنىنداعى قىزارۋ، جۇرەك اينۋ، قۇسۋ؛ ليمفا تۇيىندەرىنىڭ ۇلعايۋى، السىزدىك، قولدىڭ اۋىرۋى، ۇيقىسىزدىق، ينەكسيا ورنىنداعى قىشۋ، بورتپە نەمەسە قىشۋ سياقتى اللەرگيالىق رەاكسيالار جانە ت. ب.
يممۋنداۋدان كەيىن جاعىمسىز سالدارلار تۋىنداعان جاعدايدا – (يكقك) ەگىلگەن ادام مەديسينالىق كومەككە جۇگىنۋ قاجەت.
Pfizer ۆاكسيناسىن ۆاكسيناسيالاۋعا قارسى كورسەتىلىمدەر:
- اسەر ەتۋشى زاتقا نەمەسە پرەپاراتتىڭ كەز كەلگەن باسقا كومپونەنتتەرىنە اللەرگيا؛
- جۇمىرتقا نەمەسە جەلاتينگە اللەرگيانىڭ بولۋى قارسى ەمەس نەمەسە ەسكەرتۋ ەمەس
- ءجىتى ينفەكسيالىق اۋرۋلارى بار ادامدار ءۇشىن جانە سوزىلمالى اۋرۋلارى اسقىنعان كەزەڭدە كوروناۆيرۋستىق ينفەكسيالارعا قارسى ۆاكسيناسيالاۋدى كەيىنگە قالدىرۋ كەرەك.
Pfizer ۆاكسيناسىمەن ۆاكسيناسيالاۋ كەستەسى: 1 – ءشى كومپونەنت-كەز – كەلگەن نولدىك كۇن؛ 2ء-شى كومپونەنت-العاشقى دوزانى العاننان كەيىن 21-دەن 28 كۇنگە دەيىن.
ۆاكسيناسيانىڭ ارتىقشىلىقتارى:
- ينفەكسيانىڭ اۋىر اعىمى مەن اسقىنۋىنىڭ الدىن الادى؛
- ەگىلگەندەردى عانا ەمەس، اينالاداعىلاردى دا (اعا-ىنىلەر، اپا-سىڭلىلەر، تۋىستار) قورعايدى؛
- ۇجىمدىق يممۋنيتەتتى قالىپتاستىرادى؛
- يممۋنيزاسيادان كەيىن الىنعان ۆاكسيناسيا پاسپورتى ءسىزدىڭ ساپارىڭىزدى جەڭىلدەتەدى.
ۆاكسيناسيا جۇرگىزەر الدىندا كوروناۆيرۋسقا كۆي مەن انتيدەنەلەردىڭ بولۋىنا تەكسەرۋ جۇرگىزىلمەيدى. "كۆي-مەن اۋىرىپ جازىلعان ادامدار ساۋىققاننان كەيىن 6 ايدان سوڭ، ۆاكسيناسيالاۋ الدىنداعى جاي-كۇيىن باعالاۋدى ەسكەرە وتىرىپ، كۆي-عا قارسى ۆاكسيناسيالاۋعا جاتادى. كۆي-مەن اۋىرىپ جازىلعان ادامداردى ساۋىققاننان كەيىن 3 ايدان سوڭ ۆاكسيناسيالاۋعا جول بەرىلەدى.
المالى اۋدانى سانيتارلىق-ەپيدەميولوگيالىق باقىلاۋ باسقارماسىنىڭ ەپيدەميولوگيالىق قاداعالاۋ ءبولىمىنىڭ باسشىسى سەيتكازييەۆا م.ر.