ۆيدەو روسكوسموستىڭ YouTube ارناسىندا جاريالاندى
رەسەيلىك عارىشكەر پەتر دۋبروۆ حالىقارالىق عارىش ستانساسىنىڭ (حعس) جەر شارى اياسىندا بۇرىلىس جاساعان ءساتىن ۆيدەوعا ءتۇسىرىپ، ينتەرنەتكە جۇكتەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ۆيدەو روسكوسموستىڭ YouTube ارناسىندا جاريالاندى.
Instagram-داعى پاراقشاسىندا دۋبوۆ بەيسەنبىدە "پروگرەسس م-ۋم" جۇك كەمەسىنىڭ اسپاپتىق ءارى اگرەگاتتىق بولىمىنەن حالىقارالىق عارىش ستانسياسىنىڭ "ايلاق" جەلىلىك ءمودۋلىنىڭ ءبولىنىپ شىققانىن جازدى.
«ءبىز سىزدەر ءۇشىن وسى وقيعادان تاريحي كادرلاردى ءتۇسىرىپ، وزدەرىڭىزگە ۇسىنۋدامىز، بۇل ارادا، ەڭ باسىندا حعس-تىڭ بۇرىلۋ ءساتى بەينەلەنگەن»،-دەيدى پەتر دۋبروۆ
حعس بورتىندا ءقازىر ەكيپاجدىڭ جەتى مۇشەسى بار: رەسەيلىك عارىشكەرلەر انتون شكاپلەروۆ پەن پەتر دۋبروۆ، NASA استروناۆتارى مارك ۆاندە حاي، رادجا چاري، توم مارشبەرن، كايلا باررون، سونداي-اق ەۋروپالىق عارىش اگەنتتىگىنىڭ استروناۆتى ماتتياس ماۋرەر.