ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى 5G جەلىسىن ىسكە قوسۋ جايىنداعى جوسپارلارىمەن ءبولىستى، دەپ حابارلايدى Almaty-akshamy.kz Inform.kz-كە سىلتەمە جاساپ.
«مينيسترلىك قازاقستان رەسپۋبليكاسى اۋماقتىق پرينسيپ نەگىزىندە راديوجيىلىك سپەكتر (بۇدان ءارى – رجس) تاراتۋ بولىگىندە 5G جەلىسىن ەنگىزۋ ستراتەگياسىن ازىرلەدى. ۇزدىكسىز 100 مگس جولاعىن ءبولۋ مۇمكىندىگى بار 3،6 – 3،9 گگس دياپازونىنداعى جيىلىكتەر بەلگىلەندى. سونداي-اق، قازاقستاندا 5G تەحنولوگياسىن ەنگىزۋ جانە ىسكە اسىرۋ مەرزىمدەرى بەلگىلەنگەن»، - دەپ جاۋاپ بەردى ۆەدومستۆو رەداكسيا ساۋالىنا.
ۇسىنىلعان مالىمەتكە سايكەس، بۇگىندە بايلانىس وپەراتورلارى كەلەسى جۇمىستاردى اتقاردى: «قازاقتەلەكوم» اق نۇر-سۇلتان قالاسىندا «Astana Hub» IT ستارتاپتار حالىقارالىق تەحنوپاركى» اۋماعىندا پيلوتتىق 5G جەلىسىن ىسكە قوستى. شىمكەنت قالاسىندا بازالىق ستانسيانى ورناتۋ ورنى انىقتالدى («Shymkent Plaza» سو)، 5G تەحنولوگياسىنىڭ سىناقتارى تەحنيكالىق ەنگىزۋ ساتىسىندا. «موبايل تەلەكوم-سەرۆيس» ج ش س پيلوتتىق 5G جەلىسىن الماتى قالاسىنداعى ءۇش جەردە ىسكە قوسقان. ولار – «قايسار پلازا» ساۋدا-كەڭسە ورتالىعى (جەلتوقسان ك-cءى، 115)، پانفيلوۆ كوشەسى (اباي اتىنداعى ماوبت-تان تولە بي كوشەسىنە دەيىن) جانە «مەدەۋ» بيىك تاۋلى سپورت كەشەنى. «كسەلل» اق الماتى قالاسىنىڭ اربات اۋدانىندا (نۇرسۇلتان نازاربايەۆ پەن جىبەك جولى داڭعىلدارىنىڭ قيىلىسى) 5G تەحنولوگياسىن تەستىلەۋدى ىسكە قوستى. «كار-تەل» ج ش س الماتى قالاسىندا NARXOZ University (جاندوسوۆ ك-سى، 55) جانە «گراند الاتاۋ» بيزنەس ورتالىعى (تيميريازيەۆ ك-سى، 28ۆ) اۋداندارىندا 5G تەحنولوگياسىن تەستىلىك رەجيمنەن وتكىزە باستاعان.
«قازاقستاندا 5G جەلىسىن 2022 جىلدىڭ سوڭىنا قاراي رەسپۋبليكالىق ماڭىزى بار قالالار – نۇر-سۇلتان، الماتى، شىمكەنتتە، ال 2023-2025 جىلدارى وبلىس ورتالىقتارىندا ىسكە قوسۋ جوسپارلانىپ وتىر»، - دەپ تولىقتىردى ۆەدومستۆودان.