قازگيدرومەت سينوپتيكتەرى اۋا رايىنا بايلانىستى ەسكەرتۋ جاريالادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
نۇر-سۇلتاندا 13 ماۋسىمدا كۇندىز بۇرشاق جاۋۋى مۇمكىن. وڭتۇستىك-باتىستان ەكپىنى سەكۋندىنا 15-20 مەتر بولاتىن جەل سوعادى.
اقمولا وبلىسىنىڭ ورتالىعىندا، سولتۇستىك-باتىسىندا، وڭتۇستىك-شىعىسىندا قاتتى جاڭبىر جاۋىپ، نايزاعاي ويناپ، كۇندىز بۇرشاق جاۋىپ، داۋىل بولۋى مۇمكىن. وڭتۇستىك-باتىستان سوققان جەل سولتۇستىك-باتىسقا اۋىسادى، سولتۇستىك-باتىستا، وڭتۇستىك-شىعىستا، وبلىس ورتالىعىندا جەل ەكپىنى سەكۋندىنا 15-20 مەتر بولادى.
قىزىلوردا وبلىسىنىڭ سولتۇستىگىندە نايزاعاي، داۋىل بولادى. وڭتۇستىك-باتىستان سوققان جەل سولتۇستىك-باتىسقا اۋىسىپ، كۇندىز سولتۇستىكتە جانە وبلىس ورتالىعىندا سەكۋندىنا 15-20 مەتر جىلدامدىقپەن سوعادى. توتەنشە ءورت ءقاۋپى ساقتالادى.
13 ماۋسىمدا كۇندىز قاراعاندى وبلىسىنىڭ باتىسىندا، سولتۇستىگىندە، شىعىسىندا نايزاعاي وينايدى. وڭتۇستىك-باتىستان جەل سوعادى، كۇندىز وبلىستىڭ باتىسى مەن سولتۇستىگىندە جەل ەكپىنى سەكۋندىنا 15-20 مەتر بولادى.
تۇندە اقتوبە وبلىسىنىڭ شىعىسىندا، ورتالىعىندا، كۇندىز وڭتۇستىگىندە نايزاعاي وينايدى. تۇندە وبلىس ورتالىعىندا تۇمان تۇسەدى.
شىعىس قازاقستان وبلىسىنىڭ سولتۇستىگىندە، شىعىسىندا نايزاعاي كۇتىلەدى. وڭتۇستىك-باتىستان، باتىستان جەل سوعادى، كۇندىز وبلىستىڭ باتىسىندا جەل سەكۋندىنا 15-20 مەتر جىلدامدىقپەن سوعادى.
الماتى وبلىسىنىڭ تاۋلى اۋداندارىندا قاتتى جاڭبىر جاۋادى. وبلىستىڭ باتىسىندا، وڭتۇستىگىندە، شىعىسىندا جانە تاۋلى ايماقتارىندا نايزاعاي، بۇرشاق، داۋىل بولادى. وڭتۇستىك-باتىستان جەل سوعادى، ەكپىنى سەكۋندىنا 25 مەترگە جەتەدى.
قوستاناي وبلىسىنىڭ باتىسى مەن شىعىسىندا نايزاعاي، بۇرشاق بولىپ، داۋىل سوعادى. سولتۇستىك-باتىستان جەل سوعادى، كۇندىز وبلىستىڭ باسىم بولىگىندە جەل ەكپىنى 25 مەتر بولادى.
تۇركىستان وبلىسىنىڭ تاۋلارىندا قاتتى جاڭبىر جاۋادى. وبلىستىڭ وڭتۇستىگىندە، باتىسىندا، تاۋلى جانە تاۋ بوكتەرىندە نايزاعاي ويناپ، داۋىل تۇرادى. سولتۇستىك-باتىستان سوققان جەل ەكپىنى سەكۋندىنا 15-20 مەتر بولادى. 13 ماۋسىمدا شىمكەنتتە كۇن كۇركىرەيدى.
تاڭەرتەڭ جانە كۇندىز پاۆلودار وبلىسىنىڭ باتىسى مەن سولتۇستىگىندە نايزاعاي بولادى. وڭتۇستىك-باتىستان جەل سوعادى، كۇندىز وبلىستىڭ باتىسىندا جەل ەكپىنى سەكۋندىنا 15-20 مەتر بولادى.
سولتۇستىك قازاقستان وبلىسىنىڭ وڭتۇستىگىندە، باتىسىندا، شىعىسىندا نايزاعاي ويناپ، داۋىل تۇرىپ، بۇرشاق جاۋادى. تۇندە جانە تاڭەرتەڭ وبلىستىڭ باتىسىندا تۇمان تۇسەدى. باتىستان، وڭتۇستىك-باتىستان سوققان جەل كۇندىز وبلىستىڭ باتىسىندا ەكپىنى 15-20 مەترگە دەيىن جەتەدى.