فۋتبولدان UEFA ۇلتتار ليگاسى ءتورتىنشى تۋرىندا قازاقستان ءوز الاڭىندا سلوۆاكيانى قابىلدايدى، دەپ حابارلايدى Almaty-akshamy.kz Inform.kz-كە سىلتەمە جاساپ.
اتالعان كەزدەسۋ ەلوردا ۋاقىتىمەن 20:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى. تۋرنير كەستەسىندە قازاقستان قۇراماسى جەتى ۇپايمەن كوش باسىندا تۇرسا، التى ۇپاي ەنشىلەگەن سلوۆاكيا ەكىنشى ورىندا كەلەدى.
قازاقستاندىق فۋتبولشىلار ازەربايجاندى 2:0، سلوۆاكيانى 1:0 ەسەبىمەن تىزە بۇكتىرسە، بەلارۋسپەن 1:1 ەسەبىمەن تەڭ ءتۇستى. كەزدەسۋدە بەلگيالىق براموم ۆان دريسكە باس تورەشى قىزمەتىن اتقارادى. وعان وتانداستارى رومەن ديەۆييەرس پەن كيەۆين مونتەني كومەكشىلىك جاسايدى. قوسالقى تورەشى دە بەلگيالىق جوناتان لاردو.
سونداي-اق، تورەشىنىڭ ۆيدەو جونىنەن كومەكشىسى نيدەرلاندىلىق ينگمار وۋستروم. ايتا كەتسەك، قازاقستاندىق فۋتبولشىلار س ليگاسى ءۇشىنشى توبىندا سىنعا تۇسەدى. قارسىلاستارى - بەلارۋس، ازەربايجان مەن سلوۆاكيا.