وقيعانىڭ سەبەپ-سالدارى مەن جارىلىستان زارداپ شەكەندەر انىقتالۋدا.
بۇگىن تاڭەرتەڭ تاشكەنت وبلىسىنداعى اممياك زاۋىتىنىڭ سينتەزدەۋ بولىمىندە جارىلىس بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سەيسەنبى كۇنى تاڭعى ساعات 8:30 شاماسىندا تاشكەنت وبلىسى شىرشىق قالاسىنداعى Maxam Chirchiq زاۋىتىنداعى اممياك-1 سينتەزدەۋ بولىمىندە ءورت شىعىپ، ونىڭ سالدارىنان جارىلىس بولدى»، - دەلىنگەن وبلىس اكىمدىگىنىڭ باسپا ءسوز حابارلاماسىندا.
وبلىس اكىمى زويىر ميرزايەۆ جاۋاپتى باسقارمالارعا وقيعانىڭ سالدارىن تەز ارادا جويۋدى تاپسىردى.
وزبەكستاننىڭ توتەنشە جاعدايلار مينيسترلىگى وبلىستىڭ توتەنشە جاعدايلار دەپارتامەنتىنىڭ باسشىلىعى مەن ارنايى تەحنيكا وقيعا ورنىندا جۇمىس ىستەپ جاتقانىن حابارلادى.
ءورتتى اۋىزدىقتاۋ جانە جويۋ شارالارى جۇرگىزىلۋدە. وقيعادان زارداپ شەكەندەر مەن سەبەپ-سالدارى انىقتالۋدا.