كامەلەتكە تولماعاندارعا قاتىستى 700-دەن استام جىنىستىق قىلمىس بار
جىل سايىن قازاقستان اۋماعىندا بالالارعا قاتىستى 2 مىڭعا جۋىق قىلمىس جاسالادى. مۇنداي دەرەكتەر «اشىق» نقا پورتالىندا جاريالانعان قوعاممەن ارىپتەستىكتە قوعامدىق قاۋىپسىزدىكتى قامتاماسىز ەتۋدىڭ 2024-2028 جىلدارعا ارنالعان تۇجىرىمداماسىندا كەلتىرىلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆو قۇجاتتىڭ كىرىسپەسىندە تۇجىرىمدامانى قابىلداۋدىڭ ماڭىزدىلىعىنا توقتالعان. وندا قازىرگى كريمينوگەندىك احۋالعا تالداۋ جاسالعان.
ق ر ىشكى ىستەر مينيسترلىگىنىڭ دەرەگىنشە، بالالاردىڭ قاۋىپسىزدىگىنە قاتىستى ماسەلەلەر جۇيەلى شەشىمدى قاجەت ەتەدى.
«بالالار قورعاۋدى قاجەت ەتەتىن ەڭ وسال توپ بولىپ قالا بەرەدى. ولارعا قاتىستى جىل سايىن 2 مىڭعا جۋىق قىلمىس جاسالادى. ولاردىڭ ىشىندە كامەلەتكە تولماعاندارعا قاتىستى 700-دەن استام جىنىستىق قىلمىس بار. ولاردىڭ 70%-دان استامىن اينالاسىنداعىلار جاساعان»، - دەپ جازىلعان اشىق تالقىلاۋعا شىعارىلعان قۇجاتتا.
سونىمەن بىرگە، تۇجىرىمدامادا بىلتىر ەلىمىزدە تىركەلگەن قىلمىستىق قۇقىقبۇزۋشىلىقتاردان 495،1 ملرد تەڭگە شىعىن كەلگەنى جازىلعان.
وسى جانە وزگە دە ماسەلەلەردى جۇيەلى شەشۋ ءۇشىن مينيسترلىك 4 جىلدىق تۇجىرىمدامانى قابىلداۋدى ۇسىنادى.