2023 جىلدىڭ ءى توقسانىنىڭ قورىتىندىسى بويىنشا 17 مىڭ وتباسىعا 372 ملن تەڭگەدەن استام تۇرعىن ءۇي كومەگى كورسەتىلدى
ۇكىمەتتە تۇرعىن ۇي-كوممۋنالدىق شارۋاشىلىق ينفراقۇرىلىمىن كەشەندى جاڭعىرتۋ ماسەلەلەرى تالقىلاندى، دەپ حابارلايدى Almaty-akshamy.kz.
ۇلتتىق ەكونوميكا ءمينيسترى الىبەك قۋانتىروۆتىڭ بايانداماسىنا سايكەس، پرەزيدەنت تاپسىرماسى بويىنشا ازىرلەنگەن "ءتاريفتى ينۆەستيسياعا ايىرباستاۋ" باعدارلاماسىن ەنگىزۋ ارقىلى رەسپۋبليكا بويىنشا ەلەكتر، جىلۋ، سۋمەن جابدىقتاۋ جانە سۋ تارتۋ جەلىلەرىنىڭ توزۋىن ورتا ەسەپپەن 20%-عا تومەندەتۋ جوسپارلانىپ وتىر. بۇل ازاماتتارعا كورسەتىلەتىن قىزمەتتەردىڭ ساپاسىن جاقسارتۋعا جانە اپاتتىق جاعدايلار سانىن ازايتۋعا مۇمكىندىك بەرەدى.
ول ءۇشىن 145 مىڭ شاقىرىمنان استام ينجەنەرلىك جەلىلەردى جوندەۋ قاجەت. وسىعان بايلانىستى بيىل وڭىرلەردەگى الەۋمەتتىك-ەكونوميكالىق جاعدايدى ەسكەرە وتىرىپ، تكش قىزمەتتەرى تاريفتەرىن كەزەڭ-كەزەڭمەن وزگەرتۋ كوزدەلىپ وتىر. ناتيجەسىندە وسى جىلدىڭ وزىندە 5 مىڭ شاقىرىمنان استام ينجەنەرلىك جەلىلەردى جوندەۋ جانە تكش سالاسى قىزمەتكەرلەرىنىڭ جالاقىسىن ارتتىرۋ جوسپارلانۋدا.
يندۋستريا جانە ينفراقۇرىلىمدىق دامۋ ءمينيسترى مارات قارابايەۆتىڭ بايانداۋىنشا الەۋمەتتىك جاعىنان از قامتىلعان ازاماتتاردىڭ كوممۋنالدىق قىزمەتتەرگە شىعىندارىن ازايتۋ ءۇشىن ولاردى مەملەكەت تاراپىنان كورسەتىلەتىن تۇرعىن ءۇي كومەگى اياسىندا ءىشىنارا وتەۋ كوزدەلگەن.
2023 جىلدىڭ ءى توقسانىنىڭ قورىتىندىسى بويىنشا 17 مىڭ وتباسىعا 372 ملن تەڭگەدەن استام تۇرعىن ءۇي كومەگى كورسەتىلدى.
ەنەرگەتيكا ءمينيسترى الماسادام ساتقالييەۆتىڭ مالىمەتىنشە، دۇنيەجۇزىلىك بانك جانە KPMG حالىقارالىق كومپانياسىمەن بىرلەسىپ، رەسپۋبليكانىڭ 56 جىلۋ ەلەكتر ستانسياسىنا تەحنيكالىق اۋديت جۇرگىزىلدى. ونىڭ قورىتىندىسى بويىنشا ستانسيالاردىڭ تەحنيكالىق جاي-كۇيى مەن نەگىزگى تەحنيكالىق-ەكونوميكالىق كورسەتكىشتەر رەيتينگى جاسالدى. وسى ايدىڭ سوڭىنا قاراي كۇردەلى جوندەۋ جونىندەگى ءىس-شارالار جوسپارىن قامتيتىن كەشەندى ەسەپ دايىن بولماق.
پرەمەر-مينيستر مەملەكەت باسشىسى سالاداعى كۇردەلى پروبلەمالاردى ەسكەرە وتىرىپ، ەلدىڭ تىرشىلىك كوزىنە قاجەتتى بارلىق جۇيەنى جاڭعىرتۋعا جانە كۇردەلى جوندەۋگە باعىتتالعان "ءتاريفتى ينۆەستيسياعا ايىرباستاۋ" باعدارلاماسىن ىسكە اسىرۋدى تاپسىرعانىن ايتىپ ءوتتى.
"ول ءۇشىن ءبىز زاڭنامالىق تۇزەتۋلەردى، نورماتيۆتىك قۇقىقتىق اكتىلەردى قابىلدادىق. بۇعان دەيىن تابيعي مونوپوليالار سۋبەكتىلەرىنىڭ ينۆەستيسيالىق باعدارلامالارى مەن تاريفتەرىن تۇزەتە الماي كەلگەن ەدىك. ەندى وعان مۇمكىندىك تۋىپ وتىر"، — دەدى ءاليحان سمايىلوۆ.
وعان قوسا ۇكىمەت باسشىسى كوممۋنالدىق كاسىپورىندار ءتاريفتى تۇزەتۋ جانە جاڭعىرتۋ پروسەسىن باستاۋ ءۇشىن قاجەتتى قۇجاتتامانى باياۋ دايىنداپ جاتقانىن اتاپ ءوتتى.
"بۇل پروسەستى سوزبالاڭعا سالۋعا بولمايدى. جەلىلەر مەن ستانسيالاردى كۇردەلى جوندەۋ جۇمىستارىن جەدەل باستاۋ ماڭىزدى. بۇل – كەزەك كۇتتىرمەيتىن مىندەت. اسىرەسە، بۇل – قۇرىلىس ماۋسىمى قىسقا جانە جىلۋ بەرۋ كەزەڭى ەرتە باستالاتىن سولتۇستىك وڭىرلەر ءۇشىن وزەكتى ماسەلە"، — دەدى پرەمەر-مينيستر.
ۇكىمەت باسشىسى قالىپتاسقان جاعدايدى ۇلتتىق ەكونوميكا مينيسترلىگى تاراپىنان كەتكەن ولقىلىق دەپ اتاپ ءوتتى. وسىعان بايلانىستى ءاليحان سمايىلوۆ ۆەدومستۆو باسشىسى الىبەك قۋانتىروۆقا ەسكەرتۋ جاساپ، ۇيلەستىرۋ جۇمىستارىنىڭ تومەن دەڭگەيدە جۇرگىزىلگەنى ءۇشىن تابيعي مونوپوليالاردى رەتتەۋ كوميتەتىنىڭ ءتوراعاسى اسان داربايەۆقا سوگىس جاريالادى.
"كوممۋنالدىق قىزمەتتەردىڭ ساپاسىنا قاتىستى پرەزيدەنتتىڭ جانە حالىقتىڭ تاراپىنان ورىندى سىن ەستىپ كەلەمىز. الدىمىزداعى جىلىتۋ ماۋسىمىندا وتكەن قىستا ورىن العان توتەنشە جاعدايلارعا جول بەرمەۋ كەرەك. سۇرانىس قاتاڭ بولماق"، — دەدى ءاليحان سمايىلوۆ.