قازاقستان بوكس قۇراماسى مەدالدار كەستەسىندە ەكىنشى ورىننان كورىندى

قازاق بوكسشىلارى 4 التىن، 1 كۇمىس مەدال جەڭىپ الدى

تاشكەنتتە ەرلەر اراسىندا بوكستان اياقتالعان الەم چەمپيوناتىندا قازاقستان قۇراماسى مەدالدار كەستەسىندە ەكىنشى ورىننان كورىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىقتار 4 التىن، 1 كۇمىس مەدال جەڭىپ الىپ، سوڭعى ون جىلداعى ۇزدىك ناتيجەگە قول جەتكىزدى.

بۇدان 10 جىل بۇرىن الماتىدا وتكەن دۇنيەجۇزىلىك دودادا قازاقستان قۇراماسى 4 التىن، 2 كۇمىس، 2 قولا العان ەدى.

تاشكەنتتەگى دودادا شارشى الاڭ يەلەرى - وزبەكستاندىق بوكسشىلار 5 التىن، 2 كۇمىس، 2 قولامەن كوش باستادى.

رەسەي قۇراماسى (2 التىن، 4 قولا) ۇزدىك ۇشتىكتى تۇيىندەدى.

جالپى مەدالدار كەستەسى:

1.وزبەكستان (5-2-2).

2.قازاقستان (4-1-0).

3.رەسەي (2-0-4).

4.كۋبا (1-3-2).

5.فرانسيا (1-1-1).

6.گرۋزيا (0-1-2).

7.موڭعوليا (0-1-1).

7.برازيليا (0-1-1).

7.ءازىربايجان (0-1-1).

10.جۇڭگو (0-1-0).

10.يتاليا (0-1-0).

12.ءۇندىستان (0-0-3).

12.يسپانيا (0-0-3).

14.ارمەنيا (0-0-2).

15.قىرعىزستان (0-0-1).

15.يوردانيا (0-0-1).

15.تاجىكستان (0-0-1).

15.مەكسيكا (0-0-1).

چەمپيوناتتا حالىقارارالىق بوكس فەدەراسياسىنىڭ (IBA) شەشىمىمەن جەڭىمپازدارعا - 200 مىڭ، كۇمىس مەدال العاندارعا - 100 مىڭ، قولا جۇلدەگەرلەرگە 50 مىڭ دوللاردان بەرىلدى.

قازاقستاندىق بوكسشىلار بارلىعى 1،3 ملن دوللار تابىس تاپتى.

ەسكە سالا كەتەيىك، بۇدان بۇرىن ماحمۇد سابىرحاننىڭ وزبەك بوكسشىسىن قوس نوكداۋنمەن ۇتىپ، الەم چەمپيونى اتانعانىن جازعان بولاتىنبىز.

سونداي-اق وزبەكستان قۇراماسىنداعى قازاق جىگىتى الەم چەمپيونى اتاندى.

قۇراما كاپيتانى اسلانبەك شىمبەرگەنوۆ قازاقستان قورجىنىنا ءۇشىنشى التىندى سالدى.

نۇربەك ورالباي قازاقستاننان ءتورتىنشى بولىپ الەم چەمپيونى اتاندى.

قاسىم-جومارت توقايەۆ بوكستان وتكەن الەم چەمپيوناتىنىڭ جەڭىمپازدارىن قۇتتىقتادى.