4 ايدا 12 قىلمىس تىركەلگەن
بۇل تۋرالى استانادا وتكەن ادام ساۋداسىنا قارسى ءىس-قيمىل ماسەلەلەرى جونىندەگى فورۋمدا ايتىلدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
مينيسترلىك وكىلدەرىنىڭ ايتۋىنشا، ەلىمىزدە جىل سايىن ادام ساۋداسىنا قاتىستى 100-دەن اسا قىلمىس تىركەلەدى. ال بيىلعى 4 ايدا 12 قىلمىس تىركەلگەن. ونىڭ ىشىندە باس بوستاندىعىنان زاڭسىز ايىرىلعانداردى جۇمىسپەن قاناۋ، جەزوكشەلىككە تارتۋ ماقساتىندا پريتونداردى ۇيىمداستىرۋ جانە ولاردى ۇستاۋ سياقتى فاكتىلەر بار.
سونىمەن قاتار فورۋمدا «ادام ساۋداسىنا قارسى ءىس-قيمىل تۋرالى» زاڭ جوباسى تانىستىرىلدى. قۇجات ءقازىر پارلامەنتتىڭ قاراۋىنا ەنگىزىلگەن. جوبانى ادام ساۋداسىنىڭ قۇرباندارىنا العاشقى كومەك رەتىندە 30 ايلىق ەسەپتىك كورسەتكىش مولشەرىندە وتەماقى تولەۋ قاراستىرىلعان. سونىمەن قاتار ولار وڭالتۋ ورتالىقتارىنا جاتقىزىلادى. جينالعاندار قوعامدى الاڭداتقان پروبلەمانى ۋشىقتىرماس ءۇشىن زاڭنامالىق قۇجات اسا قاجەت دەپ ەسەپتەيدى.
"زاڭ جوباسى وتە ماڭىزدى. ادام قۇقىعىن قورعاۋعا جانە ەكسپلۋاتاسيادان باس تارتۋعا مەملەكەتتىڭ ءبىر ءوزىنىڭ شاماسى جەتپەيدى. وعان ب ا ق، مەملكەتتىك ەمەس ۇيىمدار، قاراپايىم ازاماتتار كورگەننەن كەيىن ءبارىن شىعارىپ، ايتىپ وتىرۋ كەرەك. مۇنى جەكە باسىم ۇنەمى ايتىپ كەتەمىن"، - دەدى ق ر پارلامەنتى ءماجىلىسىنىڭ دەپۋتاتى مارات ءباشىموۆ قازاقستان ۇلتتىق تەلەارناسىنا.