الماتى قالاسىندا پروتەزبەن جۇگىرۋدەن پاراليمپيادالىق كوماندا قۇرىلدى.
سپورتشىلارعا «قازاقستان حالقىنا» قورى جالپى سوماسى 113،4 ملن تەڭگەنى قۇرايتىن 10 پروتەز تارتۋ ەتتى، دەپ حابارلايدى Almaty-akshamy.kz.
سپورتشىلاردىڭ ۇتىمدى دايىندىعى ءۇشىن پاراليمپيادا ويىندارىنىڭ بىرنەشە دۇركىن جەڭىمپازى گەنريح پوپوۆتىڭ جەتەكشىلىگىمەن پروتەزبەن جۇگىرۋدەن ارنايى اشىق ساباق ءوتتى.
«مەن قىسقى پاراليمپيادا ويىندارىنا شاڭعى سپورتىمەن قاتىساتىن ەدىم. وسى جولى جۇگىرۋ كوماندىسىنا قوسىلدىم، ءوزىمدى وسى سپورت تۇرىنەن سىناپ كورگىم كەلدى. مەنىڭ ويىمشا، پروتەزبەن جۇگىرۋ وتە قيىن. ءبىراز دايىندىقتى قاجەت ەتەدى. بۇگىن بىزگە پاراليمپيادا ويىندارىنىڭ بىرنەشە دۇركىن جەڭىمپازى گەنريح پوپوۆ كەلدى. ءوزىنىڭ بار بىلگەندەرىن بىزگە ۇيرەتىپ، اقىل-كەڭەستەرىن ايتتى. ءتىپتى، دۇرىس جاتتىعۋ مەن، جۇگىرۋ جولدارىن كورسەتىپ جاتىر»، – دەيدى پارا شاڭعى مەن پارا بياتلوننان الەم چەمپيونى ەربول حاميتوۆ.