جۇك تاسىمالدارىنىڭ جالپى كولەمىندە ەكسپورت 35%-دان اسادى.
بيىلعى ءبىرىنشى توقساندا «قازاقستان تەمىر جولى» كومپانياسى جەلىسىمەن جۇكتەردى ەكسپورتقا تاسىمالداۋ 22،9 ملن تونناعا جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ مالىمەتىنە قاراعاندا، بۇل وتكەن جىلدىڭ دەڭگەيىمەن سالىستىرعاندا 6%-عا كوپ. جۇك تاسىمالدارىنىڭ جالپى كولەمىندە ەكسپورت 35%-دان اسادى.
«ەكسپورت سەگمەنتىندە تاس كومىر باستى ورىنعا يە. 2022 جىلدىڭ ءبىرىنشى توقسانىندا 8،9 ملن توننا قاتتى وتىن شەتەلگە جونەلتىلسە، بۇل وتكەن جىلدىڭ سايكەس كەزەڭىمەن سالىستىرعاندا 26%-عا جوعارى. استىق ەكسپورتى 30%-عا، ياعني 2،2 ملن تونناعا دەيىن ءوستى»، - دەپ جازدى «قتج» باسپا ءسوز قىزمەتى.
تەمىرجول ارقىلى ەكسپورتقا جونەلتىلەتىن مۇناي ونىمدەرىنىڭ كولەمى 1،1 ملن توننانى، قارا مەتالدار 1،2 ملن توننانى، تەمىر كەنى 3 ملن توننانى قۇرادى.
«قازاقستاندىق ءونىمنىڭ ءىرى يمپورتتاۋشىلارى – رەسەي، جۇڭگو جانە ورتالىق ازيا ەلدەرى. اتاپ ايتقاندا، قازاقستاندىق كومىر رەسەيگە، وزبەكستانعا، ءۇندىستانعا، گرۋزياعا، شۆەيسارياعا، پولشاعا، كيپرگە، تۇركياعا جانە باسقا دا ەلدەرگە جەتكىزىلەدى. ال استىق وزبەكستان، يران، اۋعانستان، قحر، تاجىكستان، تۇركيا، بەلگيا، يتاليا، ۇلىبريتانيا جانە ت.ب. مەملەكەتتەرگە ەكسپورتتالادى»، - دەلىنگەن حابارلامادا.