الەۋمەتتىك جەلىلەردە الماتى وبلىسى ۇلكەن اۋىلىندا اتوم ەلەكتر ستانسياسىنىڭ (اەس) قۇرىلىسى باستالعانى تۋرالى اقپارات تاراعان بولاتىن.
الماتى وبلىسى جامبىل اۋدانىنىڭ اكىمدىگى بۇل دەرەكتى جوققا شىعاردى، دەپ حابارلايدى aqshamnews.kz.
الەۋمەتتىك جەلىدە تاراعان بەينەروليكتە، بولجام بويىنشا، “Google Maps” ونلاين سەرۆيسى ارقىلى قۇرىلىس وبەكتىلەرى كورسەتىلەدى. اۋدان اكىمدىگى بەرگەن مالىمەتىنشە، ونداعى نىسانداردىڭ اتوم ەلەكتر ستانسياسى ەكەنى شىندىققا جاناسپايدى.
بەينەجازبادا كورسەتىلگەن نىسان 2011 جىلى بالقاش جىلۋ ەلەكتر ورتالىعى (جەس) قۇرىلىسى جوباسىن جۇزەگە اسىرۋ كەزىندە سالىنعان ينفراقۇرىلىم. جوبا كومىرمەن جۇمىس ىستەيتىن جىلۋ ەلەكتر ستانسياسىنىڭ قۇرىلىسىن قامتىدى. جوبا اياسىندا ءتيىستى ينفراقۇرىلىمنىڭ، سونىڭ ىشىندە جۇمىسشىلارعا ارنالعان تۇرعىن كەنتتىڭ قۇرىلىسى باستالدى. 2014 جىلى «بالقاش جىلۋ ەلەكتر ورتالىعى» جوباسىن جۇزەگە اسىرۋ توقتاتىلدى، - دەپ حابارلادى اكىمدىكتەن.
سونداي-اق، جامبىل اۋدانىنىڭ اكىمدىگى ونلاين-سەرۆيستىڭ كارتوگرافيالىق دەرەكتەرىنە تۇزەتۋلەر ەنگىزۋ جانە جالعان اقپاراتتىڭ ودان ءارى تارالۋىنا جول بەرمەۋ ءۇشىن قازاقستان رەسپۋبليكاسى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنە (ءسدياوم) ءوتىنىم جىبەرىلگەنىن مالىمدەدى.