شەتەلدىكتەردىڭ دەنى تمد ەلدەرىنەن كەلگەن.
ىشكى ىستەر مينيسترلىگى كوشى-قون قىزمەتى كوميتەتىنىڭ ءتوراعاسى اسلان اتالىقوۆ 2022 جىلى ەلىمىزگە 5 ميلليون 610 مىڭ شەتەلدىك كەلگەنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ. ونىڭ ايتۋىنشا، شەتەلدىكتەردىڭ دەنى تمد ەلدەرىنەن كەلەدى.
«ءبىرىنشى ورىندا رەسەي فەدەراسياسىنان كەلگەن يمميگرانتتار - 2 900 000. ەكىنشى ورىندا وزبەكستان ازاماتتارى - 2 300 000. قىرعىزستاننىڭ ازاماتتارى - 730 000. 330 000-نان استامى - تاجىكستان ازاماتتارى. ال 90 000-عا جۋىعى - تۇركيا ازاماتى. ءقازىر قازاقستاندا 650 مىڭ شەتەلدىك ۋاقىتشا تۇرىپ جاتىر. مۇنىڭ 90%-ى - وسى ەلدەردەن. 6 000 000-عا جۋىق شەتەلدىك ەلدەن كەتتى»، - دەدى اسلان اتالىقوۆ.
ول سونىمەن قاتار رەسەي فەدەراسياسى ازاماتتارىنىڭ كوشىپ كەلۋىنىڭ قازىرگى جاعدايىنا توقتالدى.
«رەسەي فەدەراسياسىنىڭ ازاماتتارىنا كەلسەك، بۇل جەردە اتاپ وتكىم كەلەدى، بىرىنشىدەن، ولار - بۇرىنعىداي قازاقستانعا ءجيى كەلەتىن قوناقتار. ولاردىڭ نەگىزگى اعىنى جاز ايلارىنا، ياعني دەمالىس جانە تۋريستىك ماۋسىمعا كەلەدى. قازاقستانعا 1 200 000 رەسەيلىك كەلگەن. ولاردىڭ ەڭ كوپ سانى شىلدە ايىندا كەلگەن – 485 000-نان استام. تامىزدا ءسال از – 400 000 ادام. ال قىركۇيەكتە 406 000 رەسەيلىك كەلگەن. ونىڭ ءبىرازى بەلگىلى سەبەپتەرگە بايلانىستى 21 قىركۇيەكتەن 30 قىركۇيەككە دەيىن كەلگەن»، - دەدى ول.