جىل باسىنان بەرى كوپبالالى وتباسىلارعا بەرىلەتىن مەملەكەتتىك جاردەماقىمەن ورتا ەسەپپەن 575،8 مىڭ وتباسى جالپى سوماسى 389،8 ملرد تەڭگە مولشەرىندە قامتىلدى، ونىڭ ىشىندە قازان ايىندا 570 مىڭ وتباسىنا 41 ملرد تەڭگە مولشەرىندە جاردەماقى تولەندى.
بۇل مەملەكەتتىك جاردەماقىعا بىرگە تۇراتىن 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى، دەپ حابارلايدى aqshamnews.kz.
تولەم مولشەرى بالا سانىنا قاراي ەسەپتەلىپ تولەنەدى جانە 2024 جىلى:
- 4 بالاسى بار وتباسىلارعا – 16،03 اەك نەمەسە 59 183 تەڭگە؛
- 5 بالاعا – 20،04 اەك نەمەسە 73 988 تەڭگە؛
- 6 بالاعا – 24،05 اەك نەمەسە 88 793 تەڭگە؛
- 7 بالاعا – 28،06 اەك نەمەسە 103 598 تەڭگە؛
- 8 جانە ودان دا كوپ بالاسى بار وتباسىلارعا – ءاربىر بالاعا 4 اەك نەمەسە 14 768 تەڭگە مولشەرىندە تولەنەدى.
2024 جىلعى 1 قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 7%-عا ارتقانىن اتاپ وتەمىز.
بيىل كوپبالالى وتباسىلارعا مەملەكەتتىك جاردەماقى تولەۋگە 474 ملرد تەڭگە قاراستىرىلعان.