بۇل تەلەكوممۋنيكاسيا كوميتەتى ءتوراعاسىنىڭ ورىنباسارى ايتقان ءسوز.
ءبىراق بۇل كورسەتكىش وزگەرىپ وتىرادى ەكەن، دەپ حابارلايدى aqshamnews.kz
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى تەلەكوممۋنيكاسيا كوميتەتى ءتوراعاسىنىڭ ورىنباسارى لازيزبەك قۇربانتايەۆ قازاقستاندا ءموبيلدى ينتەرنەت دۇرىس جۇمىس ىستەمەيتىن قانشا ورىن بارىن ايتتى.
«ءبىز تەكسەرىس جۇرگىزىپ، جالپى قازاقستاندا 350 ورىندى انىقتادىق. ءبىراق بۇل سان وزگەرىپ وتىرادى. مىسالى، ءقازىر استانادا ءموبيلدى ينتەرنەت دۇرىس جۇمىس ىستەمەيتىن 23 ورىن، الماتىدا 30 ورىن، شىمكەنتتە 39 ورىن بار. ماسەلەنى شەشۋ ءۇشىن جوسپار مەن گرافيگىمىز دە بار»، - دەدى لازيزبەك قۇربانتايەۆ.
ونىڭ ايتۋىنشا، راديوفوبياعا شالدىققان كەيبىر قازاقستاندىقتار شاعىمدانىپ، بازالىق ستانسيانى العىزىپ تاستايدى. سالدارىنان ءموبيلدى ينتەرنەتتىڭ ساپاسى كۇرت ناشارلايدى.
ءموبيلدى ينتەرنەت ساپالى جۇمىس ىستەۋى ءۇشىن بازالىق ستانسيا ورناتۋ كەرەك. الايدا راديوفوبتار بار. مۇنداي ادامدار بازالىق ستانسيانى الىپ تاستايدى. سوندىقتان ول جەردە ءموبيلدى ينتەرنەت دۇرىس جۇمىس ىستەمەيتىن نۇكتە («بەلايا پياتنا») پايدا بولادى، - دەدى كوميتەت ءتوراعاسىنىڭ ورىنباسارى.
سونداي-اق سيفرلىق دامۋ، يننوۆاسيالار جانە اەروعارىش ونەركاسىبى ءبىرىنشى ۆيسە-مينيسترى قانىش تولەۋشين بۇل ماسەلەنى شەشۋ جوسپارىن ءبولىستى.
«قازاقستاننىڭ تۇكپىر-تۇكپىرىندە ءموبيلدى ينتەرنەت دۇرىس جۇمىس ىستەمەيتىن («سلەپايا زونا») ورىنداردى انىقتاپ، ءبىر پلاتفورماعا ەنگىزەمىز. وسىلايشا، ءتيىستى اقپاراتتى ءموبيلدى وپەراتورعا جىبەرەمىز»، - دەدى مينيستر ورىنباسارى.