جىل باسىنان بەرى ءوسىم 14%-كە جەتتى.
ءونىم باعاسى اسىرەسە ەل شىعىسىندا شارىقتاپ تۇر. اباي وبلىسىندا 6، شىعىس قازاقستاندا 8%-كە قىمباتتادى، دەپ حابارلايدى Almaty-akshamy.kz 24.kz-كە سىلتەمە جاساپ.
وسكەمەندە جۇمىرتقانىڭ 10 داناسى 750 تەڭگەگە دەيىن جەتتى. جالپى ايماقتا ءونىم وندىرىلمەيدى. سول سەبەپتى شەكارالاس وبلىستاردان جانە رەسەيدەن تاسىمالدانادى.
«بولشەك ساۋدادا باعاسى 600-630 تەڭگەنى قۇرايى. بۇگىنگى كۇنى وپەراتورلاردىڭ ايتۋى بويىنشا، باعانىڭ قىمباتتاۋى ماۋسىمدىق سيپاتقا جانە قۇس فابريكالارىندا باعانىڭ قىمباتتاۋىنان جانە وبلىستا ءوز ءونىمىمىزدىڭ جوقتىعىنان»، - دەيدى اۋىل شارۋاشىلىعى باسقارماسى باسشىسىنىڭ ورىنباسارى ديليارا جىلقىبايەۆا.
جۇمىرتقا باعىتىندا جۇمىس ىستەپ تۇرعان كاسىپورىندارى بار وبلىستاردىڭ وزىندە جاعداي ءماز ەمەس. مىسالى، اقمولا وبلىسىندا وتكەن جىلمەن سالىستىرعاندا جۇمىرتقا 3%-كە دەيىن كەم وندىرىلگەن. قوستانايدا ءتىپتى 11%-كە ازايعان. باتىس قازاقستان مەن جامبىل دا كورسەتكىش شامامەن وسىنداي. تەك قاراعاندىدا عانا ىلگەرىلەۋ بار. ءوندىرىس وتكەن جىلعىدان 9%-كە ارتقان.