ەنەرگەتيكا ءمينيسترى الماسادام ساتقالييەۆ الماتىعا جۇمىس ساپارىمەن كەلدى، دەپ حابارلادى ۆەدومستۆونىڭ باسپا ءسوز قىزمەتى.
مينيستر «الماتى ەلەكتر ستانسيالارى» اق جەو-2 جانە «الماتىجىلۋجايەنەرگو» ج ش س «وربيتا» قازاندىعىنىڭ قالاي جۇمىس ىستەپ جاتقانىن ءبىلدى. سونداي-اق №2 جەو-دا كەڭەس وتكىزدى. وعان الماتى قالاسى اكىمدىگى مەن «سامۇرىق-ەنەرگو» اق وكىلدەرى قاتىستى. جيىندا جىلىتۋ ماۋسىمى ءسوز بولدى.
جەو-2 وكىلدەرى EPC گازعا اۋىستىرۋ بويىنشا مەردىگەر انىقتالعانىن، جۇمىستار باستالعانىن ايتتى. جۇمىس 2024 جىلى باستالىپ، 2026 جىلدىڭ سوڭىنا دەيىن اياقتالادى. وسىلايشا، قالاداعى №2 جىلۋ ەلەكتر ورتالىعى گازعا كوشەدى، - دەپ جازىلعان حابارلامادا.
سونىمەن قاتار №2 جەو-دا №3 قازاندىق پەن №1، 2 تۋربينالارعا كۇردەلى جوندەۋ جۇمىسى اياقتالعانى بەلگىلى بولدى. ال №5 قازاندىقتى كۇردەلى جوندەۋ جۇمىسى اياقتالۋعا جاقىن.
بيىل قاراشانىڭ سوڭىندا «الماتى ەلەكتر ستانسيالارى» اق بويىنشا جوندەۋ اياقتالادى. كۇزگى-قىسقى ۋاقىتتاعى جاعدايعا دايىندىق پاسپورتى الىندى، - دەپ جازىلعان حابارلامادا.