ءۇش اۋىسىمدىق، اپاتتى مەكتەپتەردىڭ ماسەلەلەرىن جۇيەلى شەشۋ ماقساتىندا مەملەكەت جاڭا مەكتەپتەردى پايدالانۋعا بەرۋ بويىنشا جوسپارلى جۇمىستار جۇرگىزۋدە.
بيىلعى جىلدىڭ 1 قازانىنا دەيىن ەلىمىزدە 78،5 مىڭ ورىندىق 77 مەكتەپ اشىلدى، دەپ حابارلايدى Almaty-akshamy.kz ق ر وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
وسى جىلدىڭ سوڭىنا دەيىن ءتۇرلى قارجى كوزدەرى ەسەبىنەن 132 مىڭ ورىنعا ارنالعان 154 مەكتەپتى، ونىڭ ىشىندە ءبىلىم بەرۋ ينفراقۇرىلىمىن قولداۋ قورى ەسەبىنەن 76 738 ورىندىق 62 مەكتەپتى پايدالانۋعا بەرۋ جوسپارلانۋدا. بۇل 12 اپاتتى جانە 29 ءۇش اۋىسىمدى مەكتەپتىڭ ماسەلەسىن شەشەدى. جاڭا مەكتەپتەردىڭ باسىم بولىگى تۇركىستان وبلىسىندا – 16، باتىس قازاقستان وبلىسىندا– 14، استانا قالاسىندا – 10، قىزىلوردا جانە جامبىل وبلىستارىندا 7 مەكتەپتەن سالىنادى.
بۇدان باسقا «جايلى مەكتەپ» ۇلتتىق جوباسى جۇزەگە اسىرىلۋدا. بيىل 217 مەكتەپتىڭ قۇرىلىسى باستالىپ، ولار 2024 جىلدىڭ سوڭىنا دەيىن پايدالانۋعا بەرىلەدى. ۇلتتىق جوبا ءبىرىنشى كەزەكتە قالالار مەن كەلەشەگى بار ەلدى مەكەندەردە جاڭا ۇلگىدەگى مەكتەپتەر سالۋعا، وقۋشىلار مەن پەداگوگتەر ءۇشىن جايلى ءارى ءقاۋىپسىز ورتا قالىپتاستىرۋعا، ءبىلىم بەرۋ قىزمەتىنىڭ ساپاسىن ارتتىرۋعا باعىتتالعان. مەملەكەت باسشىسىنىڭ تاپسىرماسى بويىنشا ەلىمىزدە بارلىعى 740 مىڭ ورىندىق 369 جايلى مەكتەپ سالۋ جوسپارلانعان.