مودەرنيزاسيا جانە رەكونسترۋكسيا جۇمىستارى اياسىندا ۆوكزال عيماراتتارىن قالپىنا كەلتىرۋ مەن جوندەۋ، سونداي-اق، ينجەنەرلىك جۇيەلەردى جاڭارتۋ جۇمىستارى اتقارىلماق، دەپ حابارلايدى aqshamnews.kz.
«جوندەۋ جۇمىستارى اياقتالعان سوڭ ۆوكزالداردىڭ وتكىزۋ قابىلەتى ارتىپ، زاماناۋي كۇتۋ زالدارى، ينتەرنەت، اقپاراتتىق جۇيەلەر مەن ارنايى سەرۆيستەر پايدا بولادى دەپ كۇتىلۋدە»، – دەپ اتاپ ءوتتى كولىك ۆيسە-مينيسترى ماقسات قالياقپاروۆ.
قازاقستاندىقتار مەن شەتەلدىك قوناقتار اراسىندا جوعارى سۇرانىسقا يە تۋريستىك لوكاسيالاردا ورنالاسقان 21 تەمىرجول ۆوكزالى دا جوندەۋ جۇمىستارىمەن قامتىلدى.
«ءىرى قالالارداعى ۆوكزالدارمەن قاتار، ەلدى مەكەندەر مەن شالعاي اۋدانداردا ورنالاسقان نىسانداردى دا قامتىدىق. ماسەلەن، شىعىس قازاقستان وڭىرىندەگى بارلىق 5 ۆوكزال، اقمولا وبلىسىندا – 16، اتىراۋ وبلىسىندا – 9، الماتى وبلىسىندا – 5، اقتوبە وبلىسىندا – 7، اباي وبلىسىندا – 10، جەتىسۋ وبلىسىندا – 8، باتىس قازاقستان وڭىرىندە – 4، قاراعاندى وبلىسىندا – 11 جانە باسقا دا وڭىرلەردەگى ۆوكزالدار دا جاڭارتىلادى»، – دەدى كولىك ۆيسە-مينيسترى.
اتالعان جوبالاردى ىسكە اسىرۋ بارىسىندا وتاندىق ماتەريالداردى پايدالانۋعا باسىمدىق بەرىلەدى. بۇل ىشكى ەكونوميكانىڭ دامۋىنا جانە جەرگىلىكتى وندىرۋشىلەردى قولداۋعا ىقپال ەتەدى.