تاماق باعاسىنىڭ جىلدىق ءوسۋى 10 پايىزعا جەتتى.
ءتىپتى، كوپ ايتىلا بەرەتىن الەۋمەتتىك ماڭىزى بار ونىمدەر دە ءبىر اپتادا 0،4%-عا، ءبىر ايدا 0،7%-عا قىمباتتادى، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
قابىلدانعان شارالارعا، ۋادەلەر مەن نۇسقاۋلارعا قاراماستان، الەۋمەتتىك ماڭىزى بار تاۋارلاردىڭ قىمباتتاۋى جالعاسۋدا. ماسەلەن، اعىمداعى جىلدىڭ 25 قاڭتارىنىڭ قورىتىندىسى بويىنشا، بۇل سەگمەنتتەگى باعانىڭ اپتا سايىنعى ءوسىمى 0،4% بولسا، ال جىل باسىنان بەرگى ءوسىم 0،7%-دى قۇرادى.
سونىمەن قاتار، الەۋمەتتىك ماڭىزى بار ساناتقا ەنگەن 19 تاۋاردىڭ تەك تورتەۋى عانا جىل باسىنان بەرى قىمباتتاماعان، تاعى ەكەۋىنىڭ باعاسى ءسال ارزانداعان. قالعان 13 تاۋاردىڭ باعاسى قىمباتتادى، ولاردىڭ كەيبىرەۋلەرىنىڭ نارقى ايتارلىقتاي وسكەن. ماسەلەن، جىل باسىنان بەرى ءسابىز 2،2 پايىزعا، كارتوپ 4،2 پايىزعا، قىرىققابات 18،7 پايىزعا قىمباتتاعان. ونىڭ ۇستىنە مۇنىڭ سەبەبى باعانىڭ ماۋسىمدىق وسۋىمەن بايلانىستى ەمەس.
ەلدىڭ ءىرى قالالارى مەن مەگاپوليستەرىنىڭ ىشىندە باعالاردىڭ 1%-دان استام قىمباتتاۋى نۇر-سۇلتاندا (پليۋس 1،5%)، كوكشەتاۋدا (پليۋس 1،4%)، اقتوبەدە (پليۋس 1،1%) جانە تارازدا (پليۋس 1%) بايقالعان. ەسكەرتۋ: بۇل جەردە بارلىق ازىق-تۇلىك ونىمدەرى ەمەس، ءومىر ءسۇرۋ ءۇشىن قاجەتتى الەۋمەتتىك ماڭىزدى تاۋارلار تۋرالى عانا ايتىلىپ وتىر.
ەسكە سالا كەتسەك، قازاقستان رەسپۋبليكاسىندا ازىق-تۇلىك باعاسىنىڭ ءوسۋى مەن وسى سەگمەنتتەگى تۇيتكىلدى ماسەلەلەر بىرنەشە رەت ايتىلعان بولاتىن. ماسەلەن، وتكەن جىلدىڭ قىركۇيەگىندە پرەزيدەنت توقايەۆ حالىققا جولداۋىندا ازىق-تۇلىك ونىمدەرىنە باعا بەلگىلەۋ مەن ءبولۋدىڭ تيىمسىزدىگىن تاعى ءبىر مارتە اتاپ ءوتىپ، قازاقستان رەسپۋبليكاسىندا ۇزاق ۋاقىت بويى ءتيىمدى جۇمىس ىستەي الماعان كوتەرمە ساۋدا ورتالىقتاردى جانە وندىرۋشىدەن تۇتىنۋشىعا دەيىنگى تىزبەكتەگى باعالارعا ءبىرىڭعاي باقىلاۋدىڭ جوقتىعىن اتاپ ءوتتى.
بيىلعى جىلدىڭ 5 قاڭتارىندا ەلىمىزدىڭ الەۋمەتتىك-ەكونوميكالىق جاعدايىنا ارنالعان كەڭەستە پرەزيدەنت الەۋمەتتىك ماڭىزى بار ازىق-تۇلىك تاۋارلارىنىڭ باعاسىن مەملەكەتتىك رەتتەۋ قاجەتتىگىن تاعى دا اتاپ ءوتتى.
سالاداعى باعانى تۇراقتاندىرۋ ماسەلەسىن جاڭا پرەمەر-مينيستر ءاليحان سمايىلوۆ تا كوتەرىپ، بۇل رەتتە اكىمدىكتەر مەن اۋىل شارۋاشىلىعى مينيسترلىگى جۇمىسىنىڭ تيىمسىزدىگىن اتاپ ءوتتى.
«شىندىعىندا، الەۋمەتتىك ماڭىزى بار ازىق-تۇلىك تاۋارلارىنىڭ باعاسىنىڭ ءوسۋىن تەجەۋ جۇمىسى باقىلاۋسىز قالدى»، - دەدى سمايىلوۆ اعىمداعى جىلدىڭ 29 قاڭتارىندا وتكەن ۇكىمەت وتىرىسىندا.
جالپى، اعىمداعى جىلدىڭ قاڭتار ايىندا ينفلياسيا دەڭگەيى ايىنا 0،7 پايىزدى، جىلدىق ديناميكا بويىنشا 8،5 پايىزدى قۇرادى. ونىڭ ۇستىنە ينفلياسيالىق پروسەستەردى ىلگەرىلەتىپ وتىرعان ازىق-تۇلىك تاۋارلارىنىڭ سەگمەنتى: سەكتورداعى باعانىڭ ءوسىمى ايىنا 1%-دى جانە جىلىنا بىردەن 9،9%-دى قۇرادى.
جالپى قازاقستان رەسپۋبليكاسىنىڭ 17 ءوڭىرىنىڭ 9-ىندا ازىق-تۇلىك باعاسىنىڭ اي سايىن 1%-دان استام قىمباتتاۋى بايقالدى. ونىڭ ىشىندە 7 ءوڭىردىڭ وسى سالاداعى جىلدىق باعا ءوسىمى 10 پايىزدان استى.
ەلىمىزدىڭ بىردە-بىر وڭىرىندە ازىق-تۇلىك تاۋارلارىنىڭ قۇنىن تومەندەتۋ نەمەسە ەڭ بولماعاندا باعانى سول دەڭگەيدە ۇستاپ تۇرۋ جاعدايى بايقالعان جوق.