سانكسياعا ۇشىراعان بەلارۋس ازاماتتارىنىڭ ءاتى-جونى جوق.
اقش بەلارۋس ەلىنىڭ ءبىرقاتار ازاماتتارىنا، ياعني شەتەلدە «ديسسيدەنتتەرگە قارسى جاسالعان ارەكەتتەرى» ءۇشىن ۆيزالىق سانكسيا سالدى. بۇل تۋرالى مەملەكەتتىك حاتشى ەنتوني بلينكەن مالىمدەدى، دەپ حابارلايدى Almaty-akshamy.kz Lenta.ru cىلتەمە جاساپ.
مەملەكەتتىك حاتشى اتاپ وتكەندەي، تىيىم سالىنعان تۇلعالاردىڭ ديسسيدەنتتەرگە قارسى ارەكەتى «ۇلتتىق يۋريسديكسيادان تىس» جۇزەگە اسىرىلدى.
امەريكا قۇراما شتاتتارى مۇنداي ارەكەتتى، سونىڭ ىشىندە وتكەن جىلى توكيوداعى جازعى وليمپيادا ويىندارى كەزىندە بەلارۋستىك وليمپيادالىق سپورتشى كريستينا تيمانوۆسكايانى ەلگە كۇشتەپ قايتارۋ ارەكەتىن ايىپتايدى.
سونىمەن بىرگە، مالىمدەمە ماتىنىندە سانكسياعا ۇشىراعان بەلارۋس ازاماتتارىنىڭ ءاتى-جونى جوق. ريا نوۆوستي اگەنتتىگىنىڭ حابارلاۋىنشا، مەملەكەتتىك دەپارتامەنت مۇنى اقش زاڭى بويىنشا ۆيزالىق جازبالار «قۇپيا»، سوندىقتان سانكسياعا ۇشىرايتىن ناقتى تۇلعالاردى كورسەتەتىن مالىمەتتەردى بەرۋ مۇمكىن ەمەستىگىمەن ءتۇسىندىردى.