كوپتەن كۇتكەن قۇجات.
55 جاسار الماتىلىق كوپتەن كۇتكەن قۇجاتىن الدى، دەپ حابارلايدى Almaty-akshamy.kz.
قازاقستاننىڭ Iشكى ىستەر مينيسترلىگىنىڭ رەسمي سايتىنداعى دەرەك بويىنشا، كوشى-قون قىزمەتىنىڭ قىزمەتكەرلەرى قۇجاتسىز، تىركەۋسىز جانە ازاماتتىعى جوق ادامداردى انىقتاۋ جۇمىستارىن جۇرگىزىپ جاتىر.
«قۇجاتتاردىڭ بولماۋىنا بايلانىستى ادامداردا دەنساۋلىق ساقتاۋ، ءبىلىم الۋ، قاجەتتى جاردەماقى مەن زەينەتاقى الۋ مۇمكىندىگى شەكتەۋلى، سونىمەن قاتار، رەسمي تۇردە جۇمىسقا ورنالاسۋ مۇمكىندىگى جوق. مۇنداي ادامداردى انىقتاۋ بەلگىلى ءبىر قيىندىق تۋعىزادى، ويتكەنى قازاقستان ازاماتتىعىنا جاتاتىنىن انىقتاۋ جانە ودان ءارى جەكە كۋالىككە تىركەلۋ كەلۋدى جانە ءبىرشاما ۋاقىتتى تالاپ ەتەدى. جەكە كۋالىك العان ازاماتتار قازاقستان رەسپۋبليكاسىنىڭ ازاماتتىعىن راستاعاننان كەيىن قازاقستان رەسپۋبليكاسى ازاماتىنىڭ جەكە باسىن كۋالاندىراتىن قۇجاتتارى راسىمدەلەدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
1967 جىلى تۋعان الەكسەي نيزاموۆ ق ر ازاماتىنىڭ جەكە كۋالىگىن بەرۋگە رۇقسات بەرەتىن قۇجاتتاردى 11 جىلدان كەيىن العان.
«بۇل كىسىنىڭ وقيعاسى باسقالارعا ۇقساس. الماتى قالاسىنىڭ تۋماسى 2011 جىلى رەسەي فەدەراسياسىنا كەتكەن. قونىس اۋدارۋعا جانە تۇراقتى تۇرۋعا قۇجاتتاردى دايىندادى. ول جەرگىلىكتى تىركەۋدەن شىعارىلدى، ءبىراق بەلگىلى ءبىر سەبەپتەرمەن كورشى مەملەكەتكە تىركەلىپ، رەسەي فەدەراسياسى ازاماتىنىڭ ءتولقۇجاتىن الا المادى. رەسەيدە از تابىسپەن كۇن كوردى. ودان ءارى وتانىنا كەلگەن ول تىركەۋگە تۇرا المادى، ويتكەنى بىردە-بىر بازادا بولماعان. ءسىم كونسۋلدىق قىزمەتىنىڭ كومەگىمەن ازامات نيزاموۆ ساۋالدارىنا جاۋاپ الدى. ول قازاقستان ازاماتى رەتىندە قۇجاتتالدى»، – دەپ تۇيىندەدى ا.بۋتۋنچينوۆ.