توتەنشە جاعدايلاردىڭ الدىن الۋ جانە جويۋ - باستى مىندەت.
ءورت سوندىرۋشىلەر، قۇتقارۋشىلار، كينولوگتار، دارىگەرلەر، پسيحولوگتار، ديسپەچەرلەر مەن ۇشقىشتار توتەنشە جاعدايلاردى جويادى، ءورتتى سوندىرەدى، ادامدار مەن مۇلىكتى قۇتقارادى، دەپ حابارلايدى Almaty-akshamy.kz
جىل باسىنان باستاپ توتەنشە جاعدايلاردى جويۋ ءۇشىن تجم ءورت ءسوندىرۋ قىزمەتى، جەدەل قۇتقارۋ جانە باسقا دا بولىمشەلەرى 61 983 رەت شىعىپ، 9 863 ادامدى قۇتقاردى
تج ايماعىنان 10 627 ادام ەۆاكۋاسيالانىپ، 3 690 زارداپ شەگۋشىگە العاشقى مەديسينالىق كومەك كورسەتىلدى.
9 727 تابيعي جانە تەحنوگەندىك سيپاتتاعى توتەنشە جاعدايلار مەن وقيعالار تىركەلدى، وندا 1 481 ادام زارداپ شەكتى.
تجم كەزەكشى-ديسپەچەرلىك بولىمشەلەرى SMS-حابارلامالاردىڭ بەكىتىلگەن تىزبەسىنە سايكەس، ۇيالى بايلانىس تەلەفوندارىنا SMS-حابارلامالاردى جىبەرۋ ارقىلى تابيعي جانە تەحنوگەندىك سيپاتتاعى توتەنشە جاعدايلاردىڭ تۋىنداۋ ءقاۋپى تۋرالى حالىقتى حاباردار ەتۋ جونىندە دەرەۋ شارالار قابىلدايدى.
ۇيالى بايلانىس وپەراتورلارى ارقىلى حالىققا داۋىلدى ەسكەرتۋ (كوكتايعاق، قاتتى جەل، بوران، قاتتى اياز، جاڭبىر سۋىنىڭ ءقاۋپى، قار كوشكىنى ءقاۋپى جانە ت.ب.)، تاس جولدارىنىڭ جابىلۋى، ساباقتاردىڭ توقتاتىلۋى بويىنشا 4558 سمس-حابارلاما جىبەرىلدى.
جەدەل دەن قويۋدى جانە شەشىم قابىلداۋدى تالاپ ەتەتىن اقپارات بەلگىلەنگەن تارتىپكە سايكەس دەرەۋ ءتيىستى باسقارۋ ورگاندارىنا جەتكىزىلەدى.