ءسىز جانە ءسىزدىڭ بالالارىڭىز نەنى ءبىلۋى كەرەك؟
ستاتيستيكاعا سايكەس، الەمدەگى ءاربىر ءتورتىنشى بالا ونىڭ ءارتۇرلى فورمالارىنان زارداپ شەگۋدە. اۋرۋدىڭ بەلگىلەرى تۋرالى الماتى تەرى-ۆەنەرولوگيالىق ديسپانسەرىنىڭ دەرماتوۆەنەرولوگى دانا احمەتوۆا بايانداپ بەردى، دەپ حابارلايدى Almaty-akshamy.kz الماتى قالاسى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.
اتوپيالىق دەرماتيت – كۇردەلى مۋلتيفاكتورلى اۋرۋ. اۋرۋدىڭ نەگىزگى كورىنىسى ۇيقىعا كەدەرگى كەلتىرەتىن، جالپى ءال-اۋقاتتى ناشارلاتاتىن جانە ۇنەمى تىتىركەنۋگە اكەلەتىن قىشۋ بولىپ تابىلادى.
ماماننىڭ ايتۋىنشا، بۇل پاتولوگيا تەرىنىڭ سوزىلمالى يممۋندىق قابىنۋىمەن سيپاتتالادى.
«زەرتتەۋ دەرەكتەرىنە سايكەس، بالالىق شاقتا كلينيكالىق بەلگىلەرى بار ناۋقاستاردىڭ شامامەن ۇشتەن ءبىرى ەگەر ەمدەۋ ۋاقىتىندا باستالسا، ەرەسەك جاستا وزدەرىن قاناعاتتانارلىق سەزىنەدى»، – دەپ اتاپ ءوتتى دانا احمەتوۆا.
اتوپيالىق دەرماتيتتىڭ كلينيكالىق كورىنىسى تەرىنىڭ ءارتۇرلى ايماقتارىندا كوپتەگەن قابىنۋ وشاقتارىنىڭ پايدا بولۋىنا بايلانىستى. ولار اۋرۋ ساتىسىنا بايلانىستى ءارتۇرلى كورىنىسكە يە بولۋى مۇمكىن
«ءجىتى فازادا ەلەمەنتتەر اشىق قىزىل بولادى. قابىنۋ ايماعىنا قوسىمشا قان اعىمىنىڭ اسەرىنەن جەرگىلىكتى ءىسىنۋ پايدا بولادى. قابىرشاقتار، بۇرتىكتەر بولۋى مۇمكىن. پالپاسيا كەزىندە تەرى بەتتەرى ىلعالدى بولادى. جارتىلاي رەميسسيا كەزەڭىندە ەت بەتىندەگى ءتۇستى بورتپەلەر قۇرعاق، قابىرشاقتانۋى مۇمكىن. جاڭا ەلەمەنتتەردىڭ پايدا بولۋى كوبىنەسە تەرىنىڭ كيىمگە ۇيكەلىسىنەن بولادى. تەرى بورتپەلەرىنىڭ تارالۋى: باس ايماعىندا (ونىڭ تۇكتى بولىگىندە)، مويىن مەن كەۋدەدە؛ ادەتتە بۋىنداردىڭ ەكستەنزورلى بەتتەرىندە جاڭا بورتپەلەر پايدا بولادى»، – دەيدى دارىگەر.
اتوپيالىق دەرماتيت گەنەتيكالىق انىقتالعان اۋرۋ ەكەندىگى دالەلدەندى. ياعني، ەگەر اتا-انالاردىڭ ءبىرى وسىنداي پاتولوگيادان زارداپ شەگەتىن بولسا، ونىڭ بالادا پايدا بولۋ مۇمكىندىگى 30-40% بولۋى مۇمكىن. اناسىندا دا، اكەسىندە دە اۋرۋ بولعان كەزدە نارەستە ءۇشىن ءقاۋىپ 70-75%-عا دەيىن ارتادى.
«ءجاسوسپىرىم بالالاردا كەيدە اتوپيالىق دەرماتيتتىڭ سەبەبى پسيحوسوماتيكا بولىپ تابىلادى، مۇنداي جاعدايلاردا پسيحولوگتار نەمەسە بالالار پسيحياترلارى ءاردايىم ەمدەۋگە ىقپال ەتەتىن بولادى»، – دەپ ءتۇسىندىردى احمەتوۆا.
- قالاي بولعاندا دا، ەگەر ءسىز تەرىڭىزدە بورتپە بايقاساڭىز، شۇعىل تۇردە دارىگەرگە قارالۋىڭىز كەرەك، - دەپ كەڭەس بەرەدى دەرماتوۆەنەرولوگ.