بەلارۋس ءوز ازاماتتارىنىڭ شەكارادان شىعۋىنا جاڭا شەكتەۋلەر ەنگىزبەك

شەكارادان اسۋعا شەكتەۋ 6 ايعا دەيىنگى مەرزىمگە كوزدەلەدى.

ازاماتتاردىڭ جەكەلەگەن ساناتتارى ءۇشىن رەسپۋبليكادان كەتۋ ءتارتىبى تۋرالى زاڭ جوباسىنا ەنگىزىلگەن ءتيىستى تۇزەتۋلەردى 12 قازاندا بەلارۋس پارلامەنتشىلەرى ءبىرىنشى وقىلىمىندا قابىلدادى، دەپ حابارلايدى Almaty-akshamy.kz Inbusiness.kz سىلتەمە جاساپ. 

ىشكى ىستەر ءمينيسترىنىڭ ورىنباسارى گەنناديي كازاكيەۆيچتىڭ ايتۋىنشا، "بەلارۋس ازاماتتارىنىڭ شەتەلگە شىعۋ قۇقىعىن شەكتەۋ ءۇشىن جاڭا نەگىزدەر ەنگىزىلۋدە – باسقارۋ تارتىبىنە قارسى اكىمشىلىك قۇقىقبۇزۋشىلىق جاساعانى ءۇشىن ولارعا قاتىستى اكىمشىلىك پروسەسس جۇرگىزىلىپ جاتقان ادامدارعا شەكتەۋلەر قويىلادى". 

جاڭا زاڭ جوباسى ايىپپۇل تولەمەي جۇرگەندەردى شەتەلگە شىعارماۋ ءۇشىن جاسالعان.

سونىمەن قاتار زاڭ جوباسى مەملەكەتتىك قاۋىپسىزدىك كوميتەتىنە ۇلتتىق قاۋىپسىزدىك مۇددەسى ءۇشىن جەكە تۇلعالاردىڭ بەلارۋسسيادان شىعۋىن ۋاقىتشا شەكتەۋ قۇقىعىن بەرەدى.

بۇل رەتتە ۇلتتىق قاۋىپسىزدىك ماقساتىندا شەكارادان اسۋعا شەكتەۋ 6 ايعا دەيىنگى مەرزىمگە كوزدەلەدى.

"سونىمەن قاتار ەلىمىزدىڭ قۇزىرەتتى ورگاندارى حابارلاعانداي، شەت مەملەكەتتەردىڭ ارنايى قىزمەتتەرىنىڭ اسكەري قىزمەتشىلەر، قىزمەتكەرلەر، اسكەري قۇرالىمدار مەن اسكەريلەندىرىلگەن ۇيىمداردىڭ ازاماتتىق ادامدارى مەن مەملەكەتتىك قىزمەتشىلەر ساناتىنداعى بەلارۋس ازاماتتارىنا ەرەكشە نازار اۋدارۋىنا بايلانىستى شەتەلگە شىعۋدىڭ جاڭا ءتارتىبىن ەنگىزۋ جوسپارلانۋدا"، – دەدى كازاكيەۆيچ.