117 زاڭسىز شەشىم انىقتالدى
2023 جىلدىڭ باسىنان باستاپ اشم جەر رەسۋرستارىن باسقارۋ كوميتەتىنىڭ رەسپۋبليكا بويىنشا اۋماقتىق بولىمشەلەرى جەر پايدالانۋشىلارعا قاتىستى 486 مىڭ گەكتەر الاڭدا جوسپاردان تىس 381 تەكسەرۋدى تىركەدى، دەپ حابارلايدى Almaty-akshamy.kz.
تەكسەرۋ ناتيجەسىندە 304،7 مىڭ گا الاڭدا 152 نۇسقاما ەنگىزىلدى.
"سونىمەن قاتار، بيىل 891،7 مىڭ گەكتار بوس جاتقان اۋىل شارۋاشىلىعى جەرلەرى مەملەكەتكە قايتارىلدى. بۇدان باسقا، اكىمدىكتەرگە قاتىستى 65 تەكسەرۋ جۇرگىزىلىپ، اۋىل شارۋاشىلىعى ماقساتىنداعى جەر ۋچاسكەلەرىن بەرۋ تۋرالى 117 زاڭسىز شەشىم انىقتالدى. جەرگىلىكتى اتقارۋشى ورگانداردىڭ اتىنا جەر زاڭناماسىن بۇزۋشىلىقتاردى جويۋ تۋرالى 54 ۇيعارىم بەرىلدى"، - دەپ حابارلايدى ق ر اشم باسپا ءسوز قىزمەتى.
بۇل باعىتتاعى جۇمىس قارقىندى ءجۇرىپ جاتىر. ەكى جىل ىشىندە قايتارىلۋعا جاتاتىن 10 ملن گەكتاردىڭ ىشىندە مەملەكەت مەنشىگىنە بارلىعى 6،3 ملن گەكتار جەر بەرىلدى. بۇل رەتتە، مەملەكەتكە قايتارىلعان اۋىل شارۋاشىلىعى جەرلەرى حالىقتى جايىلىمدارمەن وڭتايلى قامتاماسىز ەتۋ ماقساتىندا باستاپقى كەزدە اۋدانداردىڭ رەزەرۆىنە قويىلاتىنىن اتاپ وتەمىز. ياعني، جوعارىدا اتالعان جەر ۋچاسكەلەرى سول ماڭداعى اۋىل تۇرعىندارى پايدالانىلاتىن ورتاق جەرلەرمەن قامتاماسىز ەتكەننەن كەيىن عانا كونكۋرستارعا شىعارىلاتىن بولادى.