گۇلميرا ساتىبالدى ءوز كىناسىن ءىشىنارا مويىندايتىنىن مالىمدەدى

كەلتىرىلگەن زالال سوماسى 6 ملرد تەڭگەدەن اسادى

وليگارح قايرات ساتىبالدىنىڭ بۇرىنعى جۇبايى گۇلميرا ساتىبالدى سوتتا سۇراق-جاۋاپ الۋ كەزىندە ءوز كىناسىن ءىشىنارا مويىندايتىنىن مالىمدەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.

استانادا گۇلميرا ساتىبالدىنىڭ ءىسى بويىنشا سوتتا سوتتالۋشىلاردان سۇراق-جاۋاپ الىنىپ جاتىر. ايگۇل مەكەشيەۆانى ۇرلاۋ ەپيزودى بويىنشا قويىلعان سۇراقتارعا جاۋاپ بەرۋ كەزىندە گۇلميرا ساتىبالدى وزىنە تاعىلعان قىلمىستارعا قاتىستى ءوز كىناسىن ءىشىنارا مويىندايتىنىن مالىمدەدى.

"مەن كىنامدى ءىشىنارا مويىندايمىن، ءبىراق 125-باپ بويىنشا (ايىپتاۋ قۇجاتىندا 125-باپ 2-تارماقتىڭ 1-8 بولىگى دەپ كورسەتىلگەن) تاعىلعان ايىپتى مويىندامايمىن. كىسى ۇرلادى دەگەندى مويىندامايمىن. ەگەر ونى ۇرلاپ اكەتكەن بولسام، قالاي ونى (ايگۇل مەكەشيەۆانى) مەنىڭ ۇيىمە اكەلسىن دەپ ايتامىن؟ بۇل قيسىنعا كەلمەيدى. سونداي-اق باسىنۋ (ايىپتاۋ قۇجاتىندا ق ر قك 389-بابى 3-بولىگى دەپ كورسەتىلگەن) بابى دەگەن بار. ول اراداعى بەس پايىزدى مويىندايمىن. مەن وعان 5%-دى (اكسيا) ۋادە ەتكەنمىن جانە سول ۋادەمدە تۇرمادىم"، - دەدى گۇلميرا ساتىبالدى.

بۇعان دەيىن گۇلميرا ساتىبالدى ايگۇل مەكەشيەۆامەن "Galanz Bottlers" جانە "Maxi Bottlers" كومپانيالارى اكسيالارىنداعى جابىرلەنۋشىنىڭ ۇلەسىن وتكىزىپ بەرۋ تۋرالى مەدياتيۆتىك كەلىسىم جاساسقان بولاتىن.

وليگارح قايرات ساتىبالدىنىڭ بۇرىنعى جۇبايى ادام ۇرلاۋ جانە ءوز ەركىمەن ارەكەت ەتۋ جانە قىلمىستىق قۇقىق بۇزۋشىلىقتى ۇيىمداستىردى دەپ ايىپتالادى. سوتتا بيزنەسىن رەيدەرلىك جولمەن باسىپ العانىنا ارىزدانعان ەكى جابىرلەنۋشى بار. كەلتىرىلگەن زالال سوماسى 6 ملرد تەڭگەدەن اسادى. بۇل تۋرالى 2022 جىلدىڭ ناۋرىز ايىندا بەلگىلى بولدى.

گۇلميرا ساتىبالدى 16 ناۋرىزدا استانادا ۇستالىپ، ۋاقىتشا ۇستاۋ يزولياتورىنا جابىلدى.

باستى سوت تالقىسى 14 ناۋرىزدا استانا قالاسى بايقوڭىر اۋدانىنىڭ № 2 سوتىندا باستالدى. ول كەزدە گۇلميرا ساتىبالدى كىناسىن تولىقتاي مويىندامايتىنىن مالىمدەگەن ەدى.