جىل باسىنان بەرى قازاقستاندىقتارعا قوعامدىق كولىك اقىسىن تولەۋدەن جالتارعانى ءۇشىن 8 مىڭنان استام ايىپپۇل سالىنعان، دەپ حابارلايدى almaty-akshamy.kz City Transportation Systems كومپانياسىنىڭ باسپا ءسوز قىزمەتىنە سىلتەمە جاساپ.
«جىل باسىنان بەرى قازاقستاندا 8 081 جولاۋشى بيلەتسىز جۇرگەنى ءۇشىن اكىمشىلىك جاۋاپقا تارتىلعان. ونىڭ 65%-ى نۇر-سۇلتان قالاسىندا قوعامدىق كولىكتى پايدالانۋ قاعيدالارىنىڭ 622-بابى 2-تارماعىن بۇزعان، ياعني، قوعامدىق كولىكتە جۇرگەنى ءۇشىن اقى تولەۋدەن جالتارعان»، - دەپ جازادى City Transportation Systems كومپاينياسىنىڭ باسپا ءسوز قىزمەتى.
جىلدىڭ جەتى ايىندا City Transportation Systems كومپانياسى ەلوردادا جول ءجۇرۋ اقىسىن تولەۋدەن جالتارۋدىڭ 134 558 فاكتىسىن تىركەگەن. ونىڭ ىشىندە 5 290 ازامات اكىمشىلىك جاۋاپقا تارتىلعان. بۇل بىلتىرعى كورسەتكىشپەن سالىستىرعاندا 274%-عا كوپ. سالىنعان ايىپپۇلداردىڭ جالپى سوماسى 29 ملن تەڭگەدەن اسىپ وتىر.
«سونىمەن قاتار، جولاۋشىلار اراسىندا جەڭىلدىگى بار جانە مەكتەپ وقۋشىلارىنا ارنالعان كارتالاردى ءۇشىنشى تۇلعالاردىڭ پايدالانۋىنا بەرەتىندەر بار. كولىكتىك باقىلاۋ قىزمەتكەرلەرى وسىنداي 1 111 كارتانى تاركىلەدى. استانادان كەيىن قوعامدىق كولىكپەن بيلەتسىز جۇرگەنى ءۇشىن جاۋاپقا تارتىلعاندار سانى بويىنشا الماتى قالاسى (1 524) جانە شىعىس قازاقستان وبلىسى (1 026) العاشقى ۇشتىكتە تۇر»، - دەلىنگەن City Transportation Systems مالىمەتىندە.