الماتى قالاسىندا 50-گە جۋىق پوليسەي پاتەر يەلەرى اتاندى
الماتى قالاسىندا 50-گە جۋىق پوليسەي “الماتى جاستارى 3.0” باعدارلاماسى بويىنشا پاتەر يەلەرى اتاندى، دەپ حابارلايدى almaty-akshamy.kz Polisia.kz. سىلتەمە جاساپ.
بۇرىن حابارلانعانداي، الماتى قالاسى اكىمدىگىنىڭ قولداۋىمەن “الماتى جاستارى 3.0” تۇرعىن ءۇي باعدارلاماسىنا قاتىساتىن ادامدار ساناتىنىڭ تىزىمىنە 35 جاسقا دەيىنگى پوليسيا قىزمەتكەرلەرى كىرەدى.
– قازىرگى ۋاقىتتا پد قىزمەتتەرى مەن بولىمدەرىنىڭ قىزمەتكەرلەرى “الماتى جاستارى 3.0” تۇرعىن ءۇي باعدارلاماسىنا قاتىسۋعا 707 ءوتىنىم بەردى. 349 ءوتىنىش بەرۋشى تولەم قابىلەتتىلىگىن راستاۋ ءۇشىن بانككە جولداما الدى. بۇل كەزەڭدە بارلىعى 46 پوليسيا قىزمەتكەرى وسى باعدارلاما بويىنشا پاتەر الدى، بانكتە تاعى 86 ءتارتىپ ساقشىسىنىڭ قۇجاتتارى قارالۋدا. اقپارات ءۇشىن وسى تۇرعىن ءۇي باعدارلاماسى بويىنشا مەملەكەتتىك قىزمەتشىلەرگە 1 مىڭ تۇرعىن ءۇي نەسيەسى ءبولىندى، ونىڭ 170ء-ى پوليسيا قىزمەتكەرلەرىنە، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ءابدۋالي ناشاربەكوۆ.
سونىمەن قاتار پوليسيادا 2021 جىلدىڭ 1 ساۋىرىندە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە، ونەركاسىپتىك قاۋىپسىزدىك، ونەركاسىپتىك ايماقتار، جانۋارلار دۇنيەسى، ەرەكشە قورعالاتىن تابيعي اۋماقتار، ەنەرگەتيكا، تابيعي مونوپوليالار جانە ىشكى ىستەر ورگاندارى قىزمەتكەرلەرىنە تۇرعىن ءۇي تولەمدەرى بويىنشا وسى سۇراقتارعا قاتىستى وزگەرىستەر مەن تولىقتىرۋلار ەنگىزۋ تۋرالى” زاڭعا قول قويىلعاندىعىن ايتتى. زاڭ پوليسيا قىزمەتكەرلەرىن تۇرعىن ۇيمەن قامتاماسىز ەتۋدىڭ جاڭا جۇيەسىنە كوشۋدى جانە اي سايىنعى تۇرعىن ءۇي تولەمدەرىن جۇزەگە اسىرۋدى كوزدەيدى.
قىزمەتكەرلەردىڭ تۇرعىن ءۇي تولەمدەرىن پايدالانۋ ارقىلى تۇرعىن ۇيگە مەنشىك قۇقىعىن الۋ ءبىر رەت جۇزەگە اسىرىلادى. تۇرعىن ءۇي جاردەماقىلارى قاتاڭ تۇردە تاعايىندالعان جانە ولاردى باسقا ماقساتتارعا پايدالانۋعا بولمايدى.