الماتىدا اعاسى مەن قارىنداسى جالعان ەكپە قۇجاتتارىن جاساعان، دەپ حابارلايدى almaty-akshamy.kz Polisia.kz. سىلتەمە جاساپ.
تۋىستاردىڭ زاڭسىز ارەكەتتەرىن كريمينالدىق پوليسيا قىزمەتكەرلەرى جەدەل جانە ارنايى ءىس-شارالار بارىسىندا انىقتادى.
– ءبىزدىڭ نازارىمىزعا ءبىرىنشى بولىپ 22 جاستاعى ا.ەسىمدى ازامات ءتۇستى، ول الاياقتىقتىڭ بارلىق ۇيىمداستىرۋشىلىق بولىگىن جۇزەگە اسىرعان: الەۋەتتى كليەنتتەردى تاپتى، كەلىسسوزدەر جۇرگىزدى، تولەمدى ەلەكتروندى اۋدارىمدار ارقىلى قابىلدادى. سودان كەيىن تەحنيكالىق جاعىن جۇزەگە اسىرۋ ءۇشىن قالاداعى ەمحانالاردىڭ بىرىندە مەدبيكە بولىپ جۇمىس ىستەيتىن اپكەسىن قوستى. 25 جاستاعى م.ەسىمدى ازاماتشا ءوز كەزەگىندە كۆي-گە قارسى ەگىلگەندەردىڭ مالىمەتتەر بازاسىنا “كليەنتتەردىڭ” دەرەكتەرىن ەنگىزدى. ءبىز ءىس جۇرگىزۋ تارتىبىمەن م.ەسىمدى ازاماتشانىڭ جۇمىس ورنىندا رۇقساتتى ىزدەۋ جۇرگىزدىك. ق ر قك-نىڭ 385-بابى بويىنشا سوتقا دەيىنگى تەرگەۋدىڭ ءبىرىڭعاي رەەسترىندە تىركەلگەن قىلمىستىق ءىس ماتەريالدارىنا، كەڭسە تەحنيكاسىن جانە پروفيلاكتيكالىق ەگۋلەردى تىركەۋ قۇجاتتاماسىن تىركەدىك جانە تاركىلەدىك، – دەپ حابارلادى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ. ەكى ايىپتالۋشى دا قىلمىستىق جاۋاپكەرشىلىككە تارتىلدى. تەرگەۋدى الماتى قالاسى پد انىقتاۋ باسقارماسى جۇرگىزۋدە.
برات س سەستروي پودەلىۆالي ۆ الماتى پاسپورتا ۆاكسيناسيي - YouTube