حالىقارالىق پاندىك وليمپيادالارعا بارلىعى 500-دەن استام قازاقستاندىق وقۋشى قاتىستى.
ولار ەل قورجىنىنا 26 التىن، 56 كۇمىس، 122 قولا مەدال اكەلگەن، دەپ حابارلايدى Almaty-akshamy.kz Elorda.info-عا سىلتەمە جاساپ.
«وقۋشىلار 200-دەن استام مەدال جەڭىپ الدى. بۇل ءاربىر ەكىنشى وقۋشىمىزدىڭ مەدال جەڭىپ العانىن بىلدىرەدى. ءبىزدىڭ بالالارىمىز جۇزدەن استام ەلدىڭ جاسوسپىرىمدەرىمەن سىنعا ءتۇسىپ، ۇزدىك ناتيجە كورسەتتى. ولار ۇلتتىق قۇراماعا ەنىپ، IMO، IPhO، IBO، IOL، IchO جانە ت.ب. باسقا دا حالىقارالىق وليمپيادالارعا قاتىسۋعا مۇمكىندىك الادى. ءقازىر بالالارىمىز ەڭ بەدەلدى پاندىك وليمپيادالارعا قاتىسىپ جاتىر. وقۋشىلارىمىز وسى وليمپيادالاردا جۇلدەلى ورىندارعا يە بولسا، اقشالاي سىيلىقتار مەن قازاقستاندىق ۋنيۆەرسيتەتتەردە وقۋ ءۇشىن گرانتتارعا يە بولادى»، - دەدى مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.
ەسكە سالا كەتەيىك، بيىل پرەزيدەنتتىڭ تاپسىرما بويىنشا دارىندى بالالاردى قولداۋ ماقساتىندا حالىقارالىق زياتكەرلىك وليمپيادالاردىڭ جەڭىمپازدارى قازاقستاندىق جوو-دا ءبىلىم الۋ ءۇشىن اقشالاي سىيلىقتار مەن گرانتتارعا يە بولادى. التىن مەدال العان وقۋشىعا 1 500 اەك، كۇمىس مەدالعا 1 000 اەك، قولا مەدالعا 500 اەك كولەمىندە اقشالاي سىيلىق بەرىلەدى. سونىمەن قاتار وقۋشىلاردى بايقاۋعا دايىنداعان ۇستازدارعا دا ءبىرجولعى سىياقى تولەنەدى.