بىرنەشە جەكەمەنشىك ۋنيۆەرسيتەتتە باعا كوتەرىلدى.
ق ر عىلىم جانە جوعارى ءبىلىم ءمينيسترى ساياسات نۇربەك مەملەكەتتىك جوعارى وقۋ ورىندارىنداعى ءبىلىم الۋ اقىسى ۇدايى باقىلاۋدا بولاتىنىن ايتتى، دەپ حابارلايدى Almaty-akshamy.kz
ءمينيستردىڭ ايتۋىنشا، بيىل مەملەكەتتىك جانە ۇلتتىق ۋنيۆەرسيەتتەردە وقۋ اقىسى بىلتىرعى وقۋ جىلىنىڭ دەڭگەيىندە قالادى.
«اقىلى وقۋدىڭ باعاسى – كوپ ادامداردىڭ كوكەيىندە جۇرگەن ماسەلە. بىرنەشە جوعارى وقۋ ورنى، اسىرەسە، باتىس وڭىرلەردە باعانى كوتەردى. بىرىنشىدەن، بۇلار – جەكەمەنشىك جوعارى وقۋ ورىندارى. ەكىنشىدەن، بۇعان دەيىن بىرنەشە جىل وقۋ باعاسىن كوتەرۋگە موراتوريي بولعان. سول موراتوريي مەرزىمىنىڭ اياقتالۋىن كۇتىپ-كۇتىپ، ءقازىر ءبىراز كوتەرە باستادى. ءبىراق ءبىز بيىل ماسەلەنى ءتۇسىنىپ وتىرمىز. قازىرگى تاڭدا الەۋمەتتىك-ەكونوميكالىق جاعداي قيىن ءبىر كەزەڭگە تاپ كەلىپ تۇر. گەوساياسي ماسەلەلەر بار، باعالار كوتەرىلىپ كەلە جاتىر. سوندىقتان مەملەكەتتىك، ۇلتتىق جوعارى وقۋ ورىندارىندا شاكىرتاقى تولەماقىلارى كوتەرىلمەيدى»، - دەدى ۆەدومستۆو باسشىسى.
مينيستر مەملەكەتتىك جوعارى وقۋ ورىندارىنداعى ءبىلىم الۋ اقىسى ۇدايى باقىلاۋدا بولاتىنىن ايتتى.
«ونى ءبىزدىڭ مينيسترلىك باقىلاۋدا ۇستايتىنىن ناقتى ايتا الام. بىرنەشە جەكەمەنشىك ۋنيۆەرسيتەتتە باعا كوتەرىلدى. ءبىراق مەملەكەتتىك ۋنيۆەرسيەتتەردە باعانى بيىل كوتەرمەيمىز. ياعني، بىلتىرعى وقۋ جىلىنداعى دەڭگەيمەن قالادى»، - دەدى ساياسات نۇربەك.