قازاقستان كوللەدجدەرى حالىقارالىق ىنتىماقتاستىق پەن اكادەميالىق ۇتقىرلىقتى بەلسەندى دامىتىپ كەلەدى. 2025 جىلى شەتەلدە ەلىمىزدىڭ 10 كوللەدجىنەن 150-دەن استام ستۋدەنت ءبىلىم الىپ، تاجىريبەدەن ءوتتى، - دەپ حابارلايدى Aqshamnews.kz ق ر وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
باعدارلامالار تەحنيكالىق جانە كاسىپتىك ءبىلىم بەرۋ جۇيەسىن 2025–2027 جىلدارعا ترانسفورماسيالاۋ جونىندەگى جول كارتاسى جانە جۇمىسشى ماماندىقتار جىلى اياسىندا جۇزەگە اسىرىلۋدا.
نەگىزگى ماقسات — تاجىريبە الماسۋ، زاماناۋي تەحنولوگيالاردى مەڭگەرۋ جانە بولاشاق مامانداردىڭ ەڭبەك نارىعىندا باسەكەگە قابىلەتتىلىگىن ارتتىرۋ.
قازاقستاندىق ستۋدەنتتەر تاماقتانۋ، سەرۆيس، IT، ەنەرگەتيكا، ينجينيرينگ، ديزاين جانە اۆتومەحانيكا باعىتتارى بويىنشا تۇركيا، جۇڭگو، قىرعىزستان، فرانسيا، يسپانيا، وڭتۇستىك كورەيا، وزبەكستان، ۇلىبريتانيا، گەرمانيا جانە شۆەيساريا ەلدەرىندە قىسقا مەرزىمدى كۋرستاردان، تاجىريبەدەن جانە تاعىلىمدامادان ءوتتى - دەيدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۋحانبەتوۆ.
اكادەميالىق ۇتقىرلىق قازاقستاننىڭ تەحنيكالىق جانە كاسىپتىك ءبىلىم بەرۋ جۇيەسىن الەمدىك ءبىلىم بەرۋ كەڭىستىگىنە ىقپالداستىرۋ جولىنداعى ماڭىزدى قادام بولىپ تابىلادى.