قازاقستان ازاماتتارىنىڭ ميكروقارجى ۇيىمدارىنا 4،5 ملن تەڭگە زاڭسىز بەرەشەگى ەسەپتەن شىعارىلدى
قازاقستان ازاماتتارىنىڭ ميكروقارجى ۇيىمدارىنا 4،5 ملن تەڭگە زاڭسىز بەرەشەگى ەسەپتەن شىعارىلدى. بۇل جايىندا ءماجىلىس دەپۋتاتتارىنىڭ ساۋالىنا قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ مىندەتىن اتقارۋشى نۇرلان ءابدىراحمانوۆتىڭ جاۋابىندا ايتىلعان.
«2022 جىلدان باستاپ اگەنتتىككە جەكە تۇلعالاردىڭ 132 جولدانىمىن جانە ىشكى ىستەر ورگاندارىنىڭ 26 ۇسىنىمىن قوسا العاندا، ءۇشىنشى تۇلعالاردىڭ جالعان ميكروكرەديتتەردى رەسىمدەۋى ماسەلەلەرى بويىنشا 158 جولدانىم كەلىپ ءتۇستى»، - دەپ اتاپ وتەدى ول جاۋابىندا.
ونىڭ اتاپ وتۋىنشە، اگەنتتىك بارلىق جولدانىم بويىنشا قۇجاتتامالىق تەكسەرۋلەر تاعايىندادى. ولاردىڭ قورىتىندىسى بويىنشا 9 ميكروقاراجى ۇيىمى بويىنشا جازباشا نۇسقامالار تۇرىندە شەكتەۋلى ىقپال ەتۋ ءىس-شارالارى قولدانىلدى.
«ميكروقارجى ۇيىمدارى 46 ميكروكرەديت بويىنشا 4،5 ملن تەڭگە سوماعا زاڭسىز بەرەشەكتى ەسەپتەن شىعاردى، سونداي-اق كرەديتتىك تاريحقا تۇزەتۋ جۇرگىزىلدى. 23 ميكروكرەديت بويىنشا تەرگەۋ اياقتالعانعا دەيىن جانە كليەنتتىڭ ميكروكرەديت الماۋ فاكتىسىن راستايتىن سوت شەشىمىن العانعا دەيىن سىياقى ەسەپتەۋ جانە شاعىم-تالاپ جۇمىستارىن جۇرگىزۋ توقتاتىلدى»، - دەدى نۇرلان ءابدىراحمانوۆ.