وزبەستاننىڭ «My Freighter» (Centrum Air) لوۋكوستەرى قازاقستانعا اۋە رەيستەرىن اشادى. بۇل جايىندا ازاماتتىق اۆياسيا كوميتەتىنەن ءمالىم ەتتى، دەپ حابارلايدى almaty-akshamy.kz
«يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياسيا كوميتەتى حالىقارالىق رەيستەر سانىن ارتتىرۋ، سونىمەن قاتار «اشىق اسپان» رەجيمىن جۇزەگە اسىرۋ جۇمىستارى اياسىندا وزبەكستاننىڭ اۆياسيالىق بيلىگىمەن بىرگە وزبەكستاندىق بيۋدجەتى تومەن «My Freighter» (Centrum Air) اۋە كومپانياسىنىڭ قازاقستانعا تۇراقتى جولاۋشىلار رەيسىن اشۋ ماسەلەسىن پىسىقتادى»، - دەلىنگەن ۆەدومستۆو اقپاراتىندا.
كوميتەت مالىمەتىنشە، اتالعان كومپانيا 5 ماۋسىمنان باستاپ، ا-320 اۋە كەمەسىمەن الماتى-تاشكەنت باعىتىندا اپتاسىنا 3 رەيس جيىلىگىمەن (دۇيسەنبى، سارسەنبى، جۇما) تۇراقتى تىكەلەي جولاۋشىلار رەيسىن جۇزەگە اسىرۋدى باستايدى.
قازاقستان مەن وزبەكستان اراسىنداعى رەيستەر سانىنىڭ ارتۋى ەكى ەلدىڭ اراسىنداعى ساۋدا-ەكونوميكالىق، تۋريستىك، مادەني ىنتىماقتاستىقتى ودان ارى دامىتۋعا سەپتىگىن تيگىزەدى. سونداي-اق اۋە بيلەتىنىڭ قۇنىن تومەندەتۋگە مۇمكىندىك بەرەدى.