ۇلىتاۋ وبلىسىندا جاڭاارقا تۇرعىنى ءۇيىنىڭ اۋلاسىندا جەرتولە قازىپ جاتقاندا، ءجۇز جىل بۇرىن جاسالعان تاپانشانى تاۋىپ الدى، دەپ حابارلايدى almaty-akshamy.kz 24 كز سىلتەمە جاساپ.
ۇزاق ۋاقىت بويى توپىراق استىندا قالعان قارۋدى توت باسقان. سىرتىن وراعان گازەت قيىندىلارى دا ءشىرىپ كەتكەن. كريميناليستەر قارۋدىڭ نامبۋ تاپانشاسى ەكەنىن انىقتادى. 1945 جىلعا دەيىن شىعارىلعان قارۋ جاپون يمپەراتورىنىڭ ارمياسىنا تيەسىلى بولعان. 1937 جىلى جاپون-قىتاي سوعىسىندا قولدانىلعان.
- بۇرىن بۇل ءۇيدىڭ ورنىندا ەسكى ءۇي بولعان. بىزدەن بۇرىن. 2015 جىلى بۇزىپ، قايتا ءۇي سالدىق. سول ەسكى ءۇيدىڭ ورنىنان سالايىن دەپ جاتقان اس ءۇيدىڭ جەرتولەسىن قازىپ جاتىپ 1 مەتر جەردەن تاپتىم، - دەيدى جاڭاارقا اۋدانىنىڭ تۇرعىنى ەرسىن تاجماعانبەتوۆ.
- ءقازىر جادىگەر بالليستيكالىق زەرتتەۋدە. بالليستيكالىق زەرتتەۋدەن كەيىن بۇنىڭ سىرتقى كەلبەتىن قالپىنا كەلتىرەمىز. ياعني، كورروزيا بولعان زارتتارىن ءبارىن تازالاپ، كەيىننەن تاريحي جادىگەر بولعاندىقتان وبلىستىق مۋزەيگە تاپسىرۋعا رۇقسات الامىز، - دەدى وبلىستىق پد جەدەل كريميناليستيكالىق باسقارماسىنىڭ باستىعى باۋىرجان قالىبەكوۆ.