Jusan Bank-كە مەملەكەتتەن بەرىلگەن قارجىلاي كومەكتى بىرتىندەپ قايتارۋ ماسەلەسى قاراستىرىلىپ جاتىر. ءماجىلىس دەپۋتاتتارىنىڭ ساۋالىنا جولداعان جاۋابىندا ق ر پرەمەر-مينيسترى ءاليحان سمايىلوۆ وسىنداي مالىمەت ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«Jusan Bankء-تىڭ بۇكىل مامىلەسىنەن مەملەكەتكە كەلگەن شىعىندى ايتساق، كەيىنگى 5 جىلدىڭ ىشىندە تاۋەلسىز ساراپشىلاردىڭ كومەگىمەن «اتف بانك» اق-نىڭ «First Heartland Jusan Bank» اق-نى ساتىپ الۋى تۋرالى مامىلە ۇسىنىلعان بولاتىن. 2020 جىلى بانكتەر بىرىكتىرىلىپ، تاۋەلسىز باعالاۋ قورىتىندىسى (Due Diligence) بويىنشا «اتف بانكتىڭ» شىعىنى 124 ملرد تەڭگە دەپ بەلگىلەندى. بۇل شىعىن «اتف بانكتىڭ» جەكە قاراجاتى ەسەبىنەن جابىلعان. وسى مامىلە اياسىندا «اتف بانك» پەن Jusan Bankء-تىڭ بۇعان دەيىن شىعارعان وبليگاسيالارى مەرزىمىن ۇزارتۋ جانە سىياقى مولشەرلەمەسىن 4%-دان 0،1%-عا دەيىن ءتۇسىرۋ جولىمەن تۇرلەندىرىلگەن ەدى»، - دەپ جازىلعان جاۋاپتا.
ۇكىمەت باسشىسىنىڭ مالىمەتى بويىنشا، اتالعان شارانىڭ ارقاسىندا Jusan Bankء-تىڭ جەڭىلدەتىلگەن سىياقى مەن نارىقتاعى سىياقىنىڭ ايىرماشىلىعى ەسەبىنەن 126 ملرد تەڭگە كولەمىندە قارىز قالىپتاسقان. ول اقشانىڭ ءبارى «اتف بانكتىڭ» شىعىنىن وتەۋگە باعىتتالعان.
«سونداي-اق، Jusan Bank اكسيونەرلەرى 97 ملرد تەڭگە كولەمىندە قوسىمشا كاپيتال قۇيعان بولاتىن. بۇگىنگى تاڭدا Jusan Bank كاپيتالى تولىسىپ، وتىمدىلىك دەڭگەيىن كورسەتىپ وتىر. كاپيتال قورى - 311 ملرد تەڭگە بولسا، وتىمدىلىك كورسەتكىشى - 1،2 ترلن تەڭگە. كاپيتال قورى مەن وتىمدىلىك دەڭگەيىنىڭ جەتكىلىكتى ەكەنىن ەسكەرىپ، بۇگىنگى تاڭدا Jusan Bank-كە مەملەكەتتەن بەرىلگەن كومەكتى بىرتىندەپ قايتارۋ ماسەلەسى قاراستىرىلىپ جاتىر»، - دەيدى ءاليحان سمايىلوۆ.
بۇعان دەيىن Jusan Bankء-تىڭ اكسيونەرلەرىنە 2021 جىلعى جاي اكسيالارى بويىنشا ديۆيدەند تولەنبەيتىنى بەلگىلى بولعان ەدى.