Jusan Bank رەسمي اتاۋىن تۇبەگەيلى وزگەرتىپ، Alatau City Bank اتاندى، دەپ حابارلايدى aqshamnews.kz
بانك رەبرەندينگ تۋرالى العاش رەت مامىر ايىنىڭ سوڭىندا حابارلاعان بولاتىن.
بانك "ازاماتتارعا ارنالعان ۇكىمەت" مەملەكەتتىك كورپوراسياسىندا قايتا تىركەۋدەن ءوتىپ، رەسمي اتاۋىن وزگەرتۋدى اياقتادى. دەگەنمەن، اتاۋدى تولىق اۋىستىرۋ پروسەسى ءبىراز ۋاقىت الادى. بۇل كەزەڭدە ءتۇرلى سەرۆيستەر مەن اقپاراتتىق جۇيەلەردە بانكتىڭ ەسكى جانە جاڭا اتاۋى قاتار قولدانىلاتىن بولادى.
سوندىقتان بانك ازىرگە ەكى اتاۋدى دا – ەسكى جانە جاڭانى – جەكە قىزمەتتەردە، قۇجاتتاردا، اقپاراتتىق جۇيەلەردە جانە ت.ب. قولدانۋعا بولاتىنىن اتاپ ءوتتى. اتاۋدى وزگەرتۋ بويىنشا ءىس-شارالار جالعاسۋدا جانە ءبىراز ۋاقىت قاجەت.
"بانك ءوزىنىڭ مەملەكەت، كليەنتتەر جانە سەرىكتەستەر الدىنداعى بارلىق مىندەتتەمەلەرىن سول كۇيىندە ساقتايدى. رەبرەندينگ بانك ونىمدەرى مەن قىزمەتتەرىنىڭ جۇمىسىنا اسەر ەتپەيدى"، – دەلىنگەن حابارلامادا.
Jusan Bankء-تىڭ رەبرەندينگ جاسايتىنى 28 مامىردا بەلگىلى بولدى. بانك بۇل شەشىمدى الماتى وبلىسىندا وتكەن جىلى قۇرىلعان الاتاۋ قالاسىنىڭ دامۋىنا اتسالىسۋ نيەتىمەن ءتۇسىندىردى. جاڭا لوگوتيپتىڭ ەلەمەنتتەرى قالانىڭ 4 اۋدانىن بىلدىرەدى.
Kaspi.kz كومپانياسىنىڭ تەڭ يەسى ۆياچەسلاۆ كيم، Jusan Bankء-تى ساتىپ الۋعا قارجى نارىعىن رەتتەۋ جانە دامىتۋ اگەنتتىگىنەن (قنردا) رۇقسات العاننان كەيىن، الاتاۋ قالاسىنا جەكە قاراجاتىنان 1 ميلليارد دوللار ينۆەستيسيا سالاتىنىن مالىمدەگەن بولاتىن.
قازىرگى ۋاقىتتا Jusan Bankء-تىڭ نەگىزگى يەسى – كاسىپكەر عالىمجان ەسەنوۆ. ونىڭ باقىلاۋىنداعى First Heartland Securities كومپانياسى بانكتىڭ 79،89% اكسياسىنا يە. ال قالعان بولىگى تىكەلەي وزىنە تيەسىلى.