قاجەتتى قۇجاتتارعا قول قويىلدى.
بانك بۇرىن العان مەملەكەتتىك كومەك مەرزىمىنەن بۇرىن قايتارىلادى، دەپ حابارلايدى Almaty-akshamy.kz ق ر ادىلەت مينيسترلىگىنە سىلتەمە جاساپ.
وزدەرىڭىز بىلەتىندەي، 2021 جىلى جوسپارلانعان ءىس-قيمىلداردىڭ ناتيجەسىندە Jusan Bank جانە تەلەكوممۋنيكاسيا، اۋىل شارۋاشىلىعى جانە وزگە دە سالالاردىڭ ءبىرقاتار باسقا دا ءىرى اكتيۆتەرىن قامتيتىن Jusan توبى شەتەلدىك يۋريسديكسياعا شىعارىلدى. ءىس جۇزىندە قازاقستان ۇكىمەتى توپتىڭ ۇستىنەن باقىلاۋدى جوعالتتى.
قازاقستان رەسپۋبليكاسى ادىلەت مينيسترلىگى باسقا مەملەكەتتىك ورگاندارمەن بىرلەسىپ قابىلداعان شارالاردىڭ ناتيجەسىندە Jusan توبىن قازاقستاندىق يۋريسديكسياعا قايتارۋعا قول جەتكىزدى. قاجەتتى قۇجاتتارعا قول قويىلدى.
قازاقستان زاڭناماسىنا سايكەس، توپ ۇكىمەتتىڭ جانە باسقا دا مەملەكەتتىك قۇرىلىمداردىڭ باقىلاۋىمەن جۇمىس ىستەيتىن بولادى.
Jusan Bank قازاقستاندىق ءبىلىم بەرۋ ۇيىمدارىن قارجىلاندىرۋدى جالعاستىرۋ بويىنشا مىندەتتەمەلەردى وزىنە الدى.
بانك بۇرىن العان مەملەكەتتىك كومەك مەرزىمىنەن بۇرىن قايتارىلادى. مەملەكەت باسشىسىنىڭ شىعارىلعان اكتيۆتەردى قايتارۋ تۋرالى تاپسىرمالارىن ىسكە اسىرۋ جالعاستىرىلاتىن بولادى.