الماتىدا ورىن العان تەررورلىق اركەتتەرگە اقىن ءجۇرسىن ەرمان ءوز پىكىرىن ءبىلدىردى، دەپ حابارلايدى Almaty-akshamy.kz
بۇگىنگى ەلدە بولىپ جاتقان جانتۇرشىگەرلىك وقيعالار حالقىمىزدىڭ تىنىشتىعىن بۇزدى. ەلىمىز ءۇشىن قيىن-قىستاۋ كەزەندە جۇدىرىقتاي جۇمىلىپ، بەيبىت ءومىرىمىزدى قايتارۋعا اتسالىسۋىمىز قاجەت. مەملەكەت باسشىسى قاسىم-جومارت كەمەل ۇلى توقايەۆ حالقىنا قامقورلىق جاساپ، بولاشاعىمىزدى ساقتاپ قالۋعا بارلىق كۇشىن جۇمساپ جاتىر.
ق.ك.توقايەۆتىڭ تاعدىرشەشتى شەشىمى - ەلدىڭ جارقىن بولاشاعىنىڭ كەپىلى بولعانى اقيقات. مەملەكەتىمىزدىڭ تۇتاستىعىنا ءقاۋىپ توندىرگەن ەكسترەميستەرمەن كۇرەس قازىرگى كۇنى ءالى دە قارقىندى ءجۇرىپ جاتىر. بۇل جولدا بارلىعىمىز ەل پرەزيدەنتىنىڭ تاراپىنان قابىلدانىپ جاتقان شارالار مەن شەشىمدەرگە تۇسىنىستىكپەن قاراپ، ءبىر جاعادان باس، ءبىر جەڭنەن قول شىعارۋىمىز كەرەك.
بەيبىت ءومىر مەن جارقىن بولاشاعىمىز ءقازىر ءبىزدىڭ قولىمىزدا. "جۇمىلا كوتەرگەن جۇك جەڭىل" دەمەكشى، بارلىعىمىز جۇدىرىقتاي جۇمىلىپ، قيىنشىلىقتارعا توتەپ بەرەيىك. جاقىندارىمىز امان بولسىن!
قيىن-قىستاۋ زاماندا ەلىن، جەرىن، تۋعانىن جاۋدان قورعاعان ارداقتى ازاماتتارىمىزدى حالىق ماقتان ەتىپ، ىزگى العىسىن بىلدىرەدى. اسكەري قىزمەتشىلەر ازاماتتاردى قورعاۋ بويىنشا تىكەلەي مىندەتتەرىن ورىنداعان كەزدە سابىرلىق تانىتۋلارىڭىزدى سۇرايمىن! كۇشىمىز - بىرلىكتە!
بىرلەسىپ، ءبىز بارلىق قيىنشىلىقتاردى جەڭەمىز! بەيبىتشىلىك پەن كەلىسىمدە "قوي ۇستىندە بوزتورعاي جۇمىرتقالاعان زامان" ورناسىن!