بۇلعاق سپورت باسقارماسىنىڭ باسشىسىن دا اينالىپ وتپەدى
الماتىدا جاپپاي تارتىپسىزدىك كەزىندە الماتى قالاسىنىڭ سپورت باسقارماسىنىڭ باسشىسى رۇستەم بايسەيتوۆ اتىس قارۋىنان جاراقات الدى، دەپ حابارلايدى Almaty-akshamy.kz قازاقپاراتقا سىلتەمە جاساپ
سپورت باسقارماسىنىڭ باسشىسىنا قالالىق اكىمدىكتىڭ كورتەجىندە بارا جاتقاندا وق تيگەن.
«وعان دەر كەزىندە مەديسينالىق كومەك كورسەتىلىپ، ول قالالىق اۋرۋحانالاردىڭ بىرىنە جاتقىزىلدى. قازىرگى ۋاقىتتا ونىڭ ءومىرى مەن دەنساۋلىعىنا ەشقانداي ءقاۋىپ ءتونىپ تۇرعان جوق»، - دەپ مالىمدەدى قالالىق سپورت باسقارماسىندا.
ەسكە سالساق، الماتى اكىمى باقىتجان ساعىنتايەۆ وتىرعان كولىككە وق اتىلعان بولاتىن. بۇل اقپاراتتى قالا اكىمىنىڭ ورىنباسارى ەرجان باباقۇماروۆ راستادى.
وقيعا 6 قاڭتار كۇنى بولعان. ءقازىر باقىتجان ساعىنتايەۆ امان-ەسەن، ءوز قىزمەتىن اتقارۋدا. قالادا تەرروريزمگە قارسى شارالار جالعاسۋدا.