جۋرناليستەردىڭ جۇمىسىنا كەدەرگى كەلتىرگەن كۇزەتشى سوتتالدى

سوتتالۋشى ءوز كىناسىن مويىنداپ، ءوزىن اقتاۋدى ءوتىندى

پەتروپاۆلدا ب ا ق وكىلدەرىنىڭ كاسىبي قىزمەتىنە كەدەرگى كەلتىرۋ بويىنشا العاش رەت قىلمىستىق ءىس قوزعالىپ، سوت ۇكىم شىعاردى، دەپ حابارلايدى Almaty-akshamy.kz.

سولتۇستىك قازاقستان وبلىستىق سوتى باسپا ءسوز قىزمەتىنىڭ مالىمەتىنشە، پەتروپاۆل قالالىق سوتى بۇگىن جۋرناليستەردىڭ كاسىبي قىزمەتىنە كەدەرگى كەلتىرۋ دەرەگى بويىنشا ايىپتالۋشى س.-عا قاتىستى قىلمىستىق ءىستى قارادى.

2021 جىلدىڭ 2 تامىزى كۇنى «حابار» اگەنتتىگىنىڭ جۋرناليستەرى «Ashyq» ءموبيلدى قوسىمشاسى جايىندا سيۋجەت ءتۇسىرۋ ءۇشىن «DostyqMall» ويىن-ساۋىق ورتالىعىنا بارادى. الايدا، ورتالىقتىڭ قاۋىپسىزدىك قىزمەتىنىڭ باستىعى س. بەينەوپەراتورعا ءتۇسىرىلىم جاساۋعا رۇقسات بەرمەيدى. كەيىن ونىڭ نۇسقاۋىمەن كۇزەت قىزمەتىنىڭ قىزمەتكەرلەرى ءتۇسىرىلىم توبىن دالاعا شىعارىپ جىبەرگەن. كۇش كورسەتۋدەن بەينەكامەراعا زاقىم كەلدى. سوتتالۋشىنىڭ كىناسى دالەلدەندى.

پروكۋراتۋرا ق ر «راقىمشىلىق جاساۋ تۋرالى» زاڭىن قولدانىپ، نەگىزگى جازادان بوساتا وتىرا، سوتتالۋشىنىڭ بوستاندىعىن ءبىر جىلعا شەكتەۋدى جانە ءۇش جىلعا دەيىن كۇزەت قىزمەتىنە قاتىستى لاۋازىمدى اتقارۋ قۇقىعىنان ايىرۋدى سۇرادى.

سوتتالۋشى ءوز كىناسىن مويىنداپ، ءوزىن اقتاۋدى ءوتىندى.

سوت سوتتالۋشىنىڭ كىشكەنتاي ءۇش بالاسىنىڭ بارىن ەسەپكە الىپ، بوستاندىعىن ءبىر جىلعا شەكتەۋ تۋرالى ۇكىم شىعاردى. ءبىراق، ق ر «راقىمشىلىق جاساۋ تۋرالى» زاڭى نەگىزىندە جازادان بوساتىلدى. سونداي-اق، وتباسىنىڭ جالعىز اسىراۋشىسى ەكەنى ەسكەرىلىپ، قوسىمشا جازا قولدانىلمادى.