ءماجىلىس دەپۋتاتتىعىنا كانديداتتاردى ۇسىنۋ اياقتالدى

جەتى ساياسي پارتيادان كانديداتتار ۇسىنىلدى

ق ر پارلامەنتى ءماجىلىسىنىڭ دەپۋتاتتىعىنا كانديداتتاردى ۇسىنۋ مەرزىمى اياقتالدى، دەپ حابارلايدى Almaty-akshamy.kz وسك سايتىنا سىلتەمە جاساپ.

«2023 جىلعى 8 اقپانداعى جاعداي بويىنشا، قازاقستان رەسپۋبليكاسىنىڭ ورتالىق سايلاۋ كوميسسياسىنا كەلەسى ساياسي پارتيالاردىڭ پارتيالىق تىزىمدەرى بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردى ۇسىنۋ تۋرالى قۇجاتتار ۇسىنىلدى:

1. «قازاقستان حالىق پارتياسى» قوعامدىق بىرلەستىگى؛

2. «اق جول» قازاقستان دەموكراتيالىق پارتياسى» قوعامدىق بىرلەستىگى؛

3. «جالپىۇلتتىق سوسيال-دەموكراتيالىق پارتيا» رەسپۋبليكالىق قوعامدىق بىرلەستىگى»؛

4. «قازاقستاننىڭ «بايتاق» جاسىلدار پارتياسى» قوعامدىق بىرلەستىگى؛

5. «اۋىل» حالىقتىق-دەموكراتيالىق پاتريوتتىق پارتياسى» قوعامدىق بىرلەستىگى؛

6. «AMANAT» پارتياسى» قوعامدىق بىرلەستىگى؛

7. «Respublica» پارتياسى» قوعامدىق بىرلەستىگى»، - دەلىنگەن وسك-نىڭ اقپاراتتىق حابارلاماسىندا.

ەسكە سالساق، 19 قاڭتاردا مەملەكەت باسشىسى جەتىنشى سايلانعان ق ر پارلامەنتىنىڭ ءماجىلىسىن تاراتۋ جانە ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى.