جۋرناليستەر ەڭبەكتەرى باعالاندى

الماتىدا قالا كۇنى قارساڭىندا جۋرناليستەر مەن بەلسەندى قوعام وكىلدەرىنىڭ ەڭبەكتەرى باعالاندى

بۇگىن رەسپۋبليكالىق دوستىق ۇيىندە وڭىرلىك كوممۋنيكاسيالار قىزمەتى جاريالاعان بايقاۋ جەڭىمپازدارى ماراپاتتالدى، دەپ حابارلايدى almaty-akshamy.kz

ەستەرىڭىزگە سالا كەتەيىك، ءبىر اي بۇرىن قالانىڭ دامۋىنا ەرەكشە ۇلەس قوسقان قالالىق جانە رەسپۋبليكالىق ب ا ق وكىلدەرى مەن بەلسەندى قوعام وكىلدەرىنەن وتىنىشتەر قابىلداۋ باستالعان بولاتىن.

ماقساتى - الماتى قالاسىنىڭ دامۋى تۋرالى ۇزدىك جاريالانىمدار، رەپورتاجدار، ب ا ق جانە الەۋمەتتىك جەلىلەردەگى سيۋجەتتەر اۆتورلارىن، بەلسەندى قوعام قايراتكەرلەرىن كوتەرمەلەۋ.

ءوتىنىشتى قوعام قايراتكەرلەرىنىڭ وزدەرى، جۋرناليستەر، ۇيىم باسشىلارى نەمەسە ب ا ق رەداكتورلارى، سونداي-اق ۇمىتكەر ءۇشىن بەرە الدى.

تورەشىلەر كەلەسى نوميناسيالار بويىنشا 10 جەڭىمپازدى انىقتادى:

1) الماتى تۋرالى جازاتىن ۇزدىك جۋرناليست - تاڭشولپان بەگالىكىزى، Baribar.kz
2) الماتىنىڭ ەڭ بەلسەندى قوعام قايراتكەرى - ابدىحالىكوۆ قايىرجان ساياسات ۇلى، الماتى قالاسىنىڭ ازاماتتىق اليانس ءتوراعاسى
3) قالانىڭ ەڭ بەلسەندى قوعامدىق ۇيىمى - "Qamqor charity" قوعامدىق قورى
4) ۇزدىك الماتىلىق بلوگەر - دميتريي باينازاروۆ، تيك-توكەر
5)  الماتى تۋرالى ۇزدىك ۆيدەو اۆتورى  - دوسجان بالابەك ۇلى، «قازاق گازەتتەرى»، جۋرناليست، فيلوسوف.
6) الماتىنىڭ ەڭ بەلسەندى جاستار كوشباسشىسى - كايرىيەۆ رۋستام ابدۋسالاموۆيچ، «قازاقستانداعى ۇيعىر جاستارىنىڭ وداعى» رقق ءتوراعاسى
7) الماتى تۋرالى ۇزدىك تەلەگرام-كانال - Almaty Today
8) ۇزدىك الماتىلىق پابليك – «داۆاي سحوديم»
9) الماتى ومىرىنەن حاباردار ەتەتىن ۇزدىك اقپاراتتىق سايت - “ۆەچەرنيي الماتى” سايتى
10) الماتى تۋرالى ۇزدىك  YouTube/TikTok-كانال - “الماتى” تەلەارناسى

جەڭىمپازدار الما مەن قاۋىرسىن تۇرىندەگى مۇسىنشەلەرمەن، سونداي-اق اقشالاي سەرتيفيكاتتارمەن ماراپاتتالدى.